EZabbuli 128 - Bbaibbuli y'oLugwere

Enkabi gyʼabagondera oMusengwa

EZabbuli ngʼoniinaniina okwaba okusinza omu Yeekaalu.

¹ Wʼenkabi iye oyo atya oMusengwa. Oyo atambulira omu manzirage!

² Walirya oku bibala bya lwotalwo, walibba wʼenkabi nʼebisa byalibba bibyo.

³ Omu kisitokyo, omukaliwo yalibba ooti muzabbibbu ogubala eino. Abaanabo balibba bangi ooti masaga agʼomusaale omuzaituuni nga beeruguuliriirye ekiinulokyo.

⁴ Dala omuntu atya oMusengwa atyo waasuna enkabi.

⁵ OMusengwa akuwe enkabi ngʼasinzirira omu Sayuuni, nsaba obone oYerusaalemi ngʼakulaakulana, enaku gyonagyona egyʼobwomibwo;

⁶ era owangaale obone oku baizukulubo. Eidembe libbe okwIsirairi.