EZabbuli 127 - Bbaibbuli y'oLugwere

Anambula oMusengwa tuteganira bwereere

EZabbuli ya Sulemaani ngʼoniinaniina okwaba okusinza omu Yeekaalu.

¹ OMusengwa singa tayombeka enyumba, abagyombeka bateganira bwereere. OMusengwa owaatakuuma ekibuga, abakikuuma bateganira bwereere.

² Kibba kinambulamu inywe okulamuka kibbambya, era ni mugona kinamukuku nga mukalabanira ekyokulya. OMusengwa abaataka abawa endoolo.

³ Okubyala abaana kirabo okuzwa eeri oMusengwa, dala kirabo kinanyerenyeere.

⁴ Abaana abʼomu buvuvuka, babba ooti bulaso omu ngalo gyʼomulwani.

⁵ Wʼenkabi ali nʼomugobagwe nga gwizwire niibwo, abalabebe tibamuwangula, owaabba omu mpaka nabo omunda oku geeti yʼekibuga.