EZabbuli 126 - Bbaibbuli y'oLugwere

Esaala yʼokwiryawo enkabi

EZabbuli ngʼoniinaniina okwaba okusinza omu Yeekaalu.

¹ OMusengwa oweyairiryewo eidembe lya Sayuuni, twabbaire ooti tuloota.

² Twasekere ino ni twemba olwʼeisangaalo. Awo abanamawanga ni bakoba bati, “OMusengwa abakoleire ebikulu!”

³ OMusengwa atukoleire ebikulu, era tuli basangaali.

⁴ Oo Musengwa oiryewo enkabi gyaiswe, ngʼoikendi owairya amaizi omu miiga gyʼomwidungu oNegevu.

⁵ Abo ibo abasigira omu maliga, balikungula nga basangaala.

⁶ Iye oyo ayaba ngʼali mu maliga ngʼatwala ensigo okusiga, yalikanga ngʼayemba olwʼeisangaalo, ngʼaira nʼamakungula.