EZabbuli 125 - Bbaibbuli y'oLugwere

OMusengwa niiye akuuma abantube

EZabbuli ngʼoniinaniina okwaba okusinza omu Yeekaalu.

¹ Abo abeesiga oMusengwa bacaati ooti lusozi oSayuuni, olutasagaasagana, era olubbeerererawo emirembe gyonagyona.

² Ngʼensozi owegyeruguuliriirye oYerusaalemi, oMusengwa yena atyo weyeeruguuliriirya abantube, okuzwa atyanu paka emirembe gyonagyona.

³ Ababbibabbi tibafugirirenge ekyalo kyʼabatuukirirye, demba abatuukirirye bona ni bakola ebibbibibbi.

⁴ Oo Musengwa okolere abo abasa ebisa, abo abʼemyoyo emirongoole.

⁵ Neye abo abakwata enzira gyabwe encaamu, oMusengwa yababonerezeranga aamo nʼababbibabbi. Eidembe libbe okwIsirairi.