EZabbuli 113 - Bbaibbuli y'oLugwere

Okuwuuja oMusengwa olwʼobusaabwe

¹ Muwuuje oMusengwa. Mumuwuuje, inywe abaweererya ba Musengwa, muwuuje eriina lya Musengwa.

² Eriina lya Musengwa baliwuuje, okuzwa atyanu paka emirembe gyonagyona.

³ Okuzwera e buzwaisana okutuuka e bugwaisana bali nʼokuwuuja eriina lya Musengwa.

⁴ OMusengwa niiye afuga amawanga gonagona, era ekitiisyakye kikiraku eigulu.

⁵ Naani ali ngʼoMusengwa Iye oKibbumba waiswe, Iye atyama oku ntebeye eyʼobwakabaka eri omwigulu?

⁶ OKibbumba niiye akotama nʼalingirira okubita omwigulu nʼabona ekyalo.

⁷ Asetula abadoobi nʼabatoola omu nkungu, asetula abadamba nʼabatoola oku kibbomboizi,

⁸ nʼabatyamisya aamo nʼabakungu, aamo nʼabakungu abo abafuga abantube.

⁹ Awa omukali abula omwana eisangaalo omu kisitokye nʼamusuuca omukali omubyaire. Muwuuje oMusengwa.