EZabbuli 111 - Bbaibbuli y'oLugwere

Okuwuuja oMusengwa olwʼebisa ebyakola

¹ Muwuuje oMusengwa. Neebalyanga oMusengwa nʼomwoyo gwange gwonagwona omu batuukirirye era omu nkumbaana gyabwe.

² OMusengwa ebyakola bikulu, bonabona ababisangaalira babifumintirizaku.

³ Ebyakola byʼekitiisya era bikulu, obutuukiriryebwe bubbeerererawo emirembe gyonagyona.

⁴ OMusengwa agira abantu ni beebukirya ebikolebye ebyewuunyisya, iye wʼekisa era alumirwa.

⁵ Agabirira abamutya ebyokulya, era ayebukirya endagaanoye bulijo.

⁶ Alagire abantube ngʼobwali owʼamaani, nʼabawa ebyalo byʼabanamawanga.

⁷ Omu byakola, mwesigwa era mwenkanya, era ebiragirobye byonabyona byesigwa.

⁸ Bibbeerererawo emirembe nʼemirembe, babiteekerewo mu mazima era mu butuukirirye.

⁹ Yanunwire abantube, nʼakola nabo endagaano eyenkalaakalira. Iye Mutukulye era wʼentiisya.

¹⁰ Okutya oMusengwa, okumanya mu kutandiikira. Bonabona abagondera ebiragirobye, bategeeri. OMusengwa bamuwuujenge emirembe nʼemirembe.