EZabbuli 110 - Bbaibbuli y'oLugwere

OMusengwa asuubiza okabaka obuwanguli

EZabbuli ya Dawudi.

¹ OMusengwa yakobere oMusengwa wange ati, “Otyame ngʼondiraine, oku lubba lwange olwʼengalo endiiro, paka owenaligondya abalabebo ni mbasuuca mukonkolo gwʼokuwuumuliryaku ebigerebyo.”

² OMusengwa yaligalamya obwakabakabwo okuzwera omu Sayuuni; walifuga abalabebo abakweruguuliriirye.

³ Oku lunaku olwʼokulwanisiryaku abalabebo amajeego galyewaayo ni gakwegaitaku. Abavuvukabo baliiza e gyoli, oku nsozi entukulye okukubbeera, ni bakwiryamu amaani ngʼolume lwʼamakeezi oweruwolya eitakali.

⁴ OMusengwa yalayiire era tiyalicuusa ekiyalayiire ati, “Oli kabona owʼemirembe nʼemirembe, okufaananaku nʼoMerikizedeki ngʼoweyabbaire kabona.”

⁵ OMusengwa ali oku lubbaalwo olwʼengaloyo endiiro okukukuuma, oweyalisunguwala, yalisasaigula abakabaka.

⁶ Yaliramula amawanga, ekyalo ni kiizula emirambo, era yalisasaigula abafugi oku kyalo kyonakyona.

⁷ Neye iye okabaka yalinywa okwiruba eriri oku nzira, era yaliiramu amaani olwakuwangula abalabebe.