EZabbuli 101 - Bbaibbuli y'oLugwere

Okweyama eeri oMusengwa

EZabbuli ya Dawudi.

¹ Nayembanga oku kutakakwo okutakoma nʼoku bwenkanyabwo; Musengwa nakwemberanga nga nkuwuuja.

² Neegenderezanga ni ntambulira omu bwomi obunambulaku kyokubunenya. Waliiza di egyendi? Omu kisito kyange, naabbanga wʼamazima.

³ Tinaguminkirizenge obubbibubbi bwonabwona. Ncaawa ebikole byʼabo abazwa oku Kibbumba, era tinabyemigirengemu.

⁴ Neewalanga abadankaani, tinakolaganenge nʼababbibabbi.

⁵ Nabuli asibirirya oku mwinaye omu mbiso, namujigiricanga. Nabuli owʼamalala era owʼeidumi tinamuguminkirizenge.

⁶ Omwesigwa eeri oKibbumba, niiye ogunsiima okubbanga aamo nanze. Oyo onambulaku kyokumunenya niiye eyampeereryanga.

⁷ Omuntu omubbeyi tiyaabbenge omu kisito kyange, era atumula ebyobubbeyi tiyaabbenge aamo na nze.

⁸ Nabuli oluca najigiricanga ababbibabbi bonabona omu kyalo kinu, era nalimalirawo nakimo abakola ebibbibibbi omu kibuga kya Musengwa.