EZabbuli 100 - Bbaibbuli y'oLugwere

EZabbuli eyʼokwebalya.

¹ Mubbookookere oMusengwa nʼeisangaalo, nywenanywena abʼoku kyalo.

² Muweererye oMusengwa nʼeisangaalo, mwize omumaisoge nga mwemba enyembo egyʼeisangaalo.

³ Mumanye muti oMusengwa niiye oKibbumba. Niiye eyatubbumbire, era tuli babe. Tuli bantu ababe era tuli ntaama gyʼomu kiriisiryokye.

⁴ Mwingirire omu mageetige nga mumwebalya, mwabe omu luugalwe nga mumuwuuja. Mumwebalye era muwuuje eriinalye.

⁵ Ekyo kityo olwʼokubba oMusengwa musa, era okutakakwe okutakoma kubbeerererawo emirembe gyonagyona. Obwesigwabwe bubbeerererawo emirembe gyonagyona.