Nuwogau 15 - Buki Kimaasabaina

Mou ma nokoidi ainima aiyuwo ( ) Yaubada noko ikaiguyauyedi anerose ainima aiyuwo yaidi

¹ Amo ikavava, aba kinana mana yagoina yábana goi agite. Aba kinanayana moe aba matoita be nakae aba kainaopa. Ame nakae: ainima aiyuwo mou ainima aiyuwo sikaavaledi. Amo mouyadi goi Yaubada ina egamogamogu bogina ikavava. Tauna moe mou adi kaba lukavava.

² Amo ikavava, akandosobu dogoi tayamo agite ana kaigigita négwasa daaumorina gerasi momooyasuna nakae go, yeu sabeninimina taiyao. Negwasayana kikina goi tomota siitaoya agitedi Yaubada ivinidi sikaavaledi. Tauyadi boi woiwoi sitogagasave. Moe nakae ina tokwalu yaina goi geya sisakululuta be tauyana yoina ana namba geya sikabiyeta.

³ Tauyadi Yaubada ina vesina siivesiye kadi, ‘O . Im guinuwa gagaidi be nakae kaausaraidi! Kom boda liliuma ima , im kenao kiboobosidi be nakae mooitamoidi!

⁴ Yauwe, kom im sinapu kiboobosidi bogina kukaiwoduwedi tomota yaidi. Tauna tomota liliudi bei sima sisakululu yaim. Tauna avatau bei geya imatoitemta? Geya! Kom amta . Tauna avatauwa bei geya sitaimaminemta? Geya!’

⁵ Amo dogoiyadi bogina sikavava, akandobala sikaaiyaka. Tukunuyana agite ikatupáeva,

⁶ e anerose ainima aiyuwo sisowóduwo sima mouyadi nimadi goi sikaavaledi. Adi kwama maavadaidi be nakae naamalidi go, idi .

⁷ Dogoi maa yawoidi adi taivasi sikaaiyaka go, tayamo itaoya Yaubada, Tauyana Tokaiyako vata, ina egamogamogu ma nokoidi ainima aiyuwo goura ikabidi, aneroseyadi ainima aiyuwo ivinidi.

⁸ Tukunuyana agite aubowo ikayaoda Yaubada ana tomoeeyalina pasina be nakae ina togaga pasina. Tauna geya vatau tayaamo itoboine Tukunuyana goi isiu ana kadókana mouyadi anerose simemedi sikavava.