Madiu 28 - Buki Kimaasabaina

Yeisu ina taoyamna go, Diyuu idi pola tetelidi

¹ E sivadade.

² Sima go, matabuwona nikuniku gagaina itátava. Bogina kuyagoi. yábana goi bogina isou ina tukubuyana ana kauboda gurewa ipuli. Ikavava, gurewayana yatana goi itulaga, ikaaiyaka.

³ Ego aneroseyana ana kaigigita inamanámala ávila nakae go, ana kwama poowouna toina.

⁴ E tukubu ana tomatakavatayao sikaaiyaka aneroseyana sigite, tuwo simatoita. Idi matoitayana pasina simalitatátava go, matadi siginigini isouyedi poyapoya goi tokámasa nakae.

⁵ E vevinayadi adi taiyuwo sina tukubu goi, e aneroseyana ilatuwokoidi idigo kana, ‘Taabu koomatōita! Bogina ayagoi Yeisu tupaatukoina koolusale.

⁶ Tauyana ameko geya. Moitamo. Yaubada ámasa goi bogina ikaitáoe nakae boi Yeisuyana idige. Kōma tukubu goi kosīu ina kaba yata kogīte daakakaina.

⁷ Kogite ikavava, woilīmi kōna ina kolatuwokōidi kami, “Yaubada Yeisu tokámasa yaidi goi bogina ikaitáoe. Go konōve! Tauyana bei ivakumgo ina Galili namlieta baige komi kōna amoko goi bei kogite.” Konōve, bogina alatuwokoimi.’

⁸ Tuwo moitamo Yeisu ana kaba yata sigite ikavava, tukubu goi woilidi silokoináoduwo, madi matoita be madi uyáwana gagaina sima kai Yeisu ina tovatotowanayao yaima goi sitalavaita.

⁹ Simamaima go, Yeisu ivalobodedi kana, ‘Yaubada ina tuboina yaimi!’ E sibala sima sivatugúyala aena siyoisidi go, yaina goi sisakululu.

¹⁰ E tuwo Tauyana idigo kana, ‘Taabu koomatōita. Kotāoya kōna segowo kolatuwokōidi bego sina Galili goi. Amoko goi bei sigitegu.’

¹¹ E tauyadi simamaima go, kidi tukubuyana ana tomatakavatayao maniyedi sina Yerusalema goi. Kaga liliuna siisowóduwo, e Gagaidi yaidi goi sitalavaitedi.

¹² Ago Tonuwalayadi sinove, tuwo gagaina sikabidi tomatakavatayadi sivinidi

¹³ silatuwokoidi sidigo kadi, ‘Kotalavāita kami, “Sabamgo goi kaamasisi go, Tauyana ina tovatotowanayao sima tukubu goi wowona sivainao.”

¹⁴ Ago ame valayana neta gávana inove, kai bei nukotona katalai, e bei tauyana ina liuna geya kobabaneyeta.’

¹⁵ E tuwo moitamo siribayadi sikabidi, sina siguinuwe nakae Tonuwalayadi sidige. Ame tetalayana inúnuwo Diyuu yaidi goi go, ame tuta nakae.

Yeisu iisowóduwo ina tovatotowanayao yaidi tetelina

¹⁶ E vevinayadi bogina sima, kai tovatotowanayama yawou tayamo Yeisu ina livala silatuwokoima. Ikavava, kataoya kana Galili goi. Amoko goi koya tayamo katuko nakae boi Yeisu ilatuuwokoima.

¹⁷ Katuko kana koyayana goi, e Yeisu kagite, tuwo kasakululu Tauyana yaina go, maniyema kananayuwo.

¹⁸ Ago Yeisu ibala ima ilatuwokoima idigo kana, ‘Lovina madabokina yábana goi be nakae poyapoya goi Yaubada Tamada bogina ivadamane yau yaigu.

¹⁹ Tauna kotāoya kōna asa liliudi goi tomota kotakutūdi simalatovatotówana namlieta baige Tamada be Natuna be nakae .

²⁰ Lovina liliuna bogina avinimi kovatulukōidi sikabikaonedi. Go konōve. Yau komi taiyao tuta liliuna, ame tuta go, nakae tuta ana kaba lukavava.’