Jeremía 6 - Wanano OT Portions

Yawe Jeremíare israe masa, Judá yahpa pahrẽ sehe macainare to yare yahu mʉhtaina, tuhsʉ, sacerdotea cʉ̃hʉ ti mahño yahuare yahuha

¹³ Yawe Jeremíare, to yare yahu mʉhtarirore õ sehe ni yahuha: —Jerusalẽpʉ jiina, pʉhtoa sehe jiina, te wiho jiinacã cʉ̃hʉ ne cʉ̃iro dʉhsaro marieno mahñoa mehne, yacaa mehne wapata duaina sahsero jira. Tuhsʉ, yʉ yare yahu mʉhtaina baro, ã jichʉ sacerdotea, yʉhʉre dahra cohtaina baro cʉ̃hʉ yacaa mehne, mahñoa mehneta wapata duaina cʉ̃hʉ jira.

¹⁴ Ã jia yʉ masa ti buhiri tia mehne ñano suaro sãa cami tiina yoaro sehe ti jipachʉta, ahrina ti pʉhtoa sehe yʉ masare “Wiho jia camicã jira tí cami. Yatia wahaahca” ni, tinare mahñopera. Ã jia pa sehe macaina pʉhtoa, ti surarare õi mʉsa cahai ti cahma wajã dutiroca duapachʉta, yʉ masa pʉhtoa sehe “Jierara. Tasi. Ã jica nieraina jinocajihna” ni, mahñopera yʉ masare —ni yahuha Yawe Jeremíare.