Isaía 10 - Wanano OT Portions

Yawe Efraĩ yahpa pahrẽ sehe macainare to buhiri dahrehtore yahu mʉhtaha Isaía

⁵ Ã yoa Yawe israe masare Efraĩ yahpa pahrẽ sehe macainare buhiri dahrehto jiha. Ã jiro Isaía sehe Yawe to yahu dutiro seheta tíre õ sehe ni yahu cũyuha tinare: —Tiro Asiria yahpa macaina bui pʉhtoro sehe yʉ yucʉ tia, yʉhʉ sua yʉhdʉ, masare buhiri dahrei tai, yʉ tinare cjãri tia yoaro sehe jirohca tiro.

⁶ Yʉhʉ sehe Yawe mʉsa Cohamacʉ jipachʉta, mʉsa ne yʉhʉre wacũ duaerara. Ne waro yʉ dutiare yoa duaeraputiara. Yʉhʉ mehne dojori tia waha tuhsʉra. Ã jicʉ yʉhʉ, tiro Asiria yahpa macariro pʉhtorore, to surara mehne cahma wajãa, yʉhdʉrʉca dutiihtja mʉsare. Mʉsa yʉhʉre suachʉ yoara. Ã jicʉ mʉsare buhiri dahreihtja tiro mehne. Tirore mʉsa cahai ta, jipihtia wapa tia, mʉsa cjʉaa barore ma pahño dutiihtja. Ã yoa mʉsare, ã jichʉ mʉsa pohna cʉ̃hʉre cahamaca ti, ti ya yahpapʉ naa wahcã dutiihtja tirore. Ã yoa paro cʉ̃hʉre yoa duti namoihtja tirore. Pari sahbare, mahai jiri sahbare mari tʉ sahbaro yoaro sehe, yʉhʉ tirore doca dahre dutiihtja mʉsare —ni yahu cũyuha Isaía israe masare Efraĩ yahpa pahrẽ sehe macainare, Yawe to yahu dutiriro cjiro seheta.