Pisomi 57 - Gourmanchéma Bible

¹ Bi yanyanba yudaano yani siiga yanbu, yaabu n yiini leni ban yi yaa yanbu: «Da bolini!» Yaa nialu. Dafidi yanbu. Li tiadi Dafidi n den sani ki kua ku joatanlongu nni ki baa cia Sayula.

² Gbadi npo mi niñima, U Tienu gbadi npo mi niñima! Kelima n cua ki wuoni a kani N wuoni a fiabi soangu nni Hali mi yebiadima n baa pendi yaa yogunu.

³ N kpaani ki miadi Tanpoli Badiciamo U Tienu todima Wani yaa Tienu n baa ŋanbi npo li bonla kuli yeni.

⁴ Hali tanpoli o baa soani npo mi *faabima. N yibali n yagini n yama yaa yogunu, U Tienu baa soani o *ŋanbili leni o moamoani. *Joma

⁵ N ye i yangbanli siiga, N dua yaaba n ŋmani bi nisaaliba nintuali. Bi ñina tie nani a kpaana leni i piemi yeni. Bi landi mo tie nani mu jugisiemanmu yeni.

⁶ U Tienu, fii ki sedi ti tawadi nni, A kpiagidi n doagidi bonŋanla ki tinga nni kuli.

⁷ Bi den dia ku diagu n taana nni. N den tiibi kelima li paboanli po. Bi den gbini ku buogu n nintuali. Ama bani biba n go den baa lienni. Joma

⁸ N pali pa, U Tienu, n pali pa! N baa yiini, n baa yiini ki pagi a

⁹ N den yedi n yuli: fundi, Yi mo n fundi n kogidibiga leni n kogidiciangu. N baa fundi u tiŋaafaanu.

¹⁰ N Diedo, n baa pagi a bi niba siiga! N baa yiini ki pagi a i nilanbuoli siiga,

¹¹ Kelima a ŋanbili ban pundi hali tanpoli. A moamoani mo pundi hali ti tawadi nni.

¹² Fii ki sedi ti tawadi nni, A kpiagidi n doagidi bonŋanla ki tinga nni kuli.