Pisomi 3 - Gourmanchéma Bible

¹ Dafidi yanbu. Li maadi lienni Dafidi n den sani o bijua Abisalomi nintuali yaa yogunu.

² Li Miali Diedo, n yibalinba yaba ki kandi. Yaaba n fii ki sedi npo yaba boncianla,

³ Bani yaaba n maadi npo ki tua: «*Faabima ki ye opo U Tienu kani,» Yaba boncianla. *Joma

⁴ Ama fini Li Miali Diedo a tie npo gbankoandigu. A tie n kpiagidi, a yaadi n yuli mo.

⁵ N kpaani ki miadi Li Miali Diedo ke o guani npo, Hali o joagagidikaali yuli po.

⁶ N yen duani ki guani, Ki go fundi kelima Li Miali Diedo kubi nni.

⁷ Mii jie yaa niba tudatuda n fii I kaani kuli ki sedi npo.

⁸ Fii Li Miali Diedo n Tienu, ki faabi nni A pabini n yibalinba kuli kpiani, Ki kua bi nibiadiba ñina.

⁹ Mi faabima ña Li Miali Diedo kane Ke a seli n yaa ye a niba po! Joma.