Ose Tili 3 - Gourmanchéma Bible

¹ Li Miali Diedo den yedi nni: «Go gedi ki ban bua yaa pua n pia li jaconconli, ki nan conbi. Ŋan bua o nani mini Li Miali Diedo n baa bua Isalele yaaba maama, baa ke bi ŋa nni ki ŋua i *buli, ki bua leni bi pala kuli ban tieni yaa maada leni duven tiidi bonluonkaala.»

² Lanwani, n den gedi ki ban da n pua, ki teni ŋanjilifa, piiga n kujapiena muu leni *olije kilo kobiga n piimuu.

³ N den yedi o: «Ŋan waagi ki se mini bebe yaa kani. Ŋan da go pa a yuli mi *conconma po, ŋan da go ŋoadi jatoa kuli. N moko baa yaa tie apo yeni.»

⁴ Yeni, Isalele yaaba baa waagi kaa pia bado, kaa pia yudanba, kaa pia pada, kaa pia butana, kaa pia bulo, kaa pia *telafimi.

⁵ Li yaa puoli bi baa lebidi ki cua ki lingi Li Miali Diedo, bi Tienu leni bi bado, Dafidi puoliŋuani siiga. Bi baa faa ki guani Li Miali Diedo kani leni li fangili, ki go baa o *ŋanbili.