Nehemi 10 - Gourmanchéma Bible

¹ Kelima yaala n den tieni ti kuli yaa po, ti den kuani o*ŋantaado ki diani. Ti yudanba leni Lefi buolu yaaba leni ti kopadicianba den tieni bi maalima tin diani yaa tila yeni po.

² Yaaba n den tieni bi maalima nne: Hakalia bijua Nehemi, yua n den tie gufeneeli,

³ Sekiasi, Selaja, Asalia, Jelemi,

⁴ Pasuli, Amalia, Malikiya,

⁵ Hatusi, Sebania, Maluki,

⁶ Halimi, Melemoti, Abidiasi,

⁷ Danieli, Ginetoni, Baluki,

⁸ Mesulami, Abiya, Mijamini,

⁹ Maasia, Biligayi leni Semayeja. Bikuli den tie kopadicianba.

¹⁰ Lefi buolu yaaba: Asania bijua Josue leni Henadadi buolu yua Binuyi leni Kadimieli

¹¹ leni bi kpiiba Sebania, Hodija, Kelita, Pelaya, Hanani,

¹² Mise, Lehobi, Hasabia,

¹³ Sakuli, Selebia, Sebania,

¹⁴ Hodija, Bani leni Bininu.

¹⁵ Isalele yaaba yudanba mo den tie: Paleyosi, Pasati-Moabi, Elami, Satu, Bani,

¹⁶ Buni, Asigadi, Bebayi,

¹⁷ Adonija, Bigifayi, Adini,

¹⁸ Ateli, Esekiasi, Asuli,

¹⁹ Hodija, Hasumi, Betisayi,

²⁰ Halifi, Anatoti, Nebayi,

²¹ Magipiasi, Mesulami, Hesili,

²² Mesesabeeli, Tisadoki, Jadua,

²³ Pelatia, Hanani, Anaya,

²⁴ Hose, Hanania, Hasubi,

²⁵ Halosesi, Pila, Sobeki,

²⁶ Lehumi, Hasabina, Maaseja,

²⁷ Akija, Hanani, Anani,

²⁸ Maluki, Halimi leni Baana.

²⁹ Isalele yaaba, yaaba n sieni, bi kopadicianba, Lefi buolu yaaba, a buliñoaguuda, bi yanyanba, U Tienu diegu naacenba leni yaaba n den paadi leni bi nilanba ki ŋoadi U Tienu *balimaama kuli, leni bi puoba leni bi bijaba leni bi bisiaba, yaaba n den baa fidi ki ga bonla kuli,

³⁰ den taani leni bi Jufilieba yaaba n tie nikpiaga. Bi den niani ki poli ke bi baa tuo ki yaa ŋua U Tienu n den teni o naacemo Musa yaa balimaama n yedi yaala, ke bi baa tuo ki yaa tiendi Li Miali Diedo ti Tienu mabilikaama leni o ñoabona leni o balimaama n yedi yaala.

³¹ Ti den niani ke ti kan pa mi diema niba ti bisiaba, ke ti kan taa bi yaa bisiaba mo ki teni ti bijaba.

³² *U Tienu fuodima daali bi *jaanma daali bi yaa cuani*ŋalikama bi kuaditoama ki baa kuadi, ti kan da bikani liba kuli. Bina luoba yaa yen pendi kuli, ti baa fuoni ki tinga li binleleeli, ti kan buali panliba kuli mo.

³³ Ti den bili ke binli kuli ti baa yaa pa i ligi waamu waamu Li Miali Diedo diegu tuonli po.

³⁴ Laa ligi baa yaa tie tin baa yaa puuni U Tienu yaa dupen po, leni daali kuli padili leni U Tienu fuodima daali yaa pada yaa po, leni i ŋmapaani leni mi jaanma yaa pada po. I ligi yeni go baa yaa tie yaa pada n sieni ke bi padi U Tienu po leni ban padi yaa pada ki miadi sugili Isalele yaaba*tuonbiadi po leni yaala n tiendi U Tienu diegu nni kuli po.

³⁵ Tinba bi kopadicianba leni Lefi buolu yaaba leni Isalele yaaba, yaaba n sieni, ti den toani tiatia ki baa bandi diegu kuli n den baa cuani yaa yogunu ti daadi U Tienu diegu po. Binli kuli ti baa cuani yaa daadi n dagidi ki juu a pada Li Miali Diedo ti Tienu *padibinbinli po nani lan diani li bali maama nni maama.

³⁶ Ti go den bili ke binli kuli ti baa cuani ti tinmu bonluonka-kpiala leni ti tiidi kuli yaa bonluonka-kpiala U Tienu diegu nni.

³⁷ Ti baa yen cuani ti bonjakpiala leni ti yandi bontonkpiamu U Tienu diegu nni, bi kopadicianba kani nani lan diani li bali maama nni maama. Ti baa yen cuani ti ne leni ti pe bontonkpiamu ki teni yaa kopadicianba n tuuni U Tienu diegu nni.

³⁸ Ti go baa yen cuani ti yonŋanma waamu leni tin pia yaa paabu, i tiidi kuli bonluonkaala, duven bonpaano leni mi kpama U Tienu diegu diena nni ki teni ba. Lefi buolu yaaba n baa yaa die ti kuani bonluonkaala yaa *dim. Bi baa cua tin ko yaa tinmu dogi nni ki ga bani biba.

³⁹ Alono yaabili o kopadiciamo baa yaa yegi leni Lefi buolu yaaba ban gaani dim yeni yaa yogunu. Bani Lefi buolu yaaba baa ñani ban gaga yaala yeni niinni dim ki cuani U Tienu diegu nni, ku ŋalimandiegu diena nni.

⁴⁰ Kelima Isalele yaaba leni Lefi buolu yaaba baa cuani yaa paabu n tie ŋalikama leni duven bonpaano leni mi kpama laa diena nni: U *kaangagidiŋamu tiadi leni bi kopadicianba yaaba n die li tuonli leni a buliñoaguuda leni bi yanyanba den ye lankane. Yeni ti kan ŋa ti Tienu diegu.