LOMA YAABA 7 - Gourmanchéma Bible

¹ N kpiiba, yi baa ga min baa maadi yipo yaama na kelima yi bani li *bali maama fuuli. Laa boani yi ke li bali maama die o nilo hali wan ye yaa yogunu kuli.

² Li tie nani li bali maama n loli o pua leni o calo hali o calo miali banlu kuli maama. Ama o ja yaa kpe, o pua yeni faabi leni yaa bali maama n luo o yeni.

³ Lanwani o yaa kuni jatoa ke o calo da ye, bi baa yi o li poconconli. Ama o calo yaa kpe, o pua yeni faabi leni li bali maama yeni, o yaa kuni jatoa waa tie poconconli.

⁴ N kpiiba, li tie yene leni yinba moko. Kelima Kilisiti kuuma o gbanandi nni yaa po, yi kpe yaala n tie li bali maama po. Moala nitoa n di die yi, lani n tie Kilisiti, U Tienu n den fiini yua bi tinkpiba siiga, ke tin yaa tiendi yaala n pia mayuli U Tienu po.

⁵ Li nisaali-yantiali n den die ti yaa yogunu, li bali maama den fiini li bonbuaka-biadila ti gbanandi buoli kuli nni, ki teni ke ti tiendi yaala n juodi mi kuuma.

⁶ Ama moala, ti faabi leni li bali maama kelima ti kpe ki paadi leni yaala n den kpa luo ti nani a kpaada yeni. Lani yaa po U Tienu Fuoma gobidi ti ke ti tuuni U Tienu po leni yantiapanli ke laa go taa leni tin den moandi ki baa ;noadi yaala n diani li bali maama nni maama.

U Tienu bali maama leni ti tuonbiadi

⁷ Lanwani ti baa yedi lede? Li bali maama tie *tuonbiadi bi? Kalam. N kan den bandi ti tuonbiadi n tie yaala, kali li bali maama n den waani nni. N kan den faami ke li nunponbiadili tie tagili li yaa tie ke li bali maama den yedi: «;Nan da pia li nunponbiadili.»

⁸ Ti tuonbiadi den baa u sanu kelima li bali maama po ki fiini li nunponli buoli kuli n pali nni. Kelima li bali maama yaa ye, ti tuonbiadi kpe.

⁹ Min ki den pia li bali maama yaa yogunu n den ye ki fo, ama li bali maama n den cua ti tuonbiadi den faadi,

¹⁰ ke n mo kpe. Yeni li bali maama yaama n den baa cuani li miali den cuani npo mi kuuma.

¹¹ Ti tuonbiadi den baa u sanu kelima li bali maama po ki boandi nni ki ku nni.

¹² Baa yeni, li bali maama gagidi ki ;nani, mi mabilikaama moko gagidi ki ;nani ki tiegi ki go pia mayuli.

¹³ To, naani yaala n pia mayuli yeni n teni ke n kpe bi? Kalam. Ti tuonbiadi n den tieni la, ki taa li bali maama, yaama n pia mayuli, ki ku nni. Lanwani, kelima li bali maama yaa po, li doagidi ti tuonbiadi n bia ke li pendi maama.

Ti tuonbiadi n diedi o nisaalo maama

¹⁴ Ti bani ke li bali maama ñani U Tienu kani. Ama mini wani tie nisaalo ki ;nua n gbanandi n bua yaala, ki tie nani bi kuadi nni ti tuonbiadi po yeni.

¹⁵ Mii bani kuli min tiendi yaala, kelima mii tiendi min bua ki yaa tiendi yaala, ama n tiendi min nani yaala.

¹⁶ N yaa tiendi min ki bua ki tieni yaala yeni, n tuo ke li bali maama ;nani.

¹⁷ Lanwani laa go tie mini nba n tiendi yeni, ama li tie ti tuonbiadi yaadi n ye n niinni n tiendi la.

¹⁸ N bani ke yaala n ŋani ki ye n niinni baa waamu, lani n tie min tie nisaalo maama po. N bua ki tieni yaala n ŋani, ama mii pia li fidu.

¹⁹ Mii tiendi min bua ki yaa tiendi yaa bonŋanla, ama n tiendi mi biadima min ki bua ki yaa tiendi yaama.

²⁰ To, n yaa tiendi min kaa bua ki tieni yaala, laa go tie mini n tiendi la, li tie ti tuonbiadi yaadi n ye n niinni n tiendi la.

²¹ N laa ke yaa bali n tie na miabi nni, n yaa bua ki tieni yaala n ŋani ti tuonbiadi tabini nni.

²² N pali tugu nni U Tienu bali maama mani npo.

²³ Ama n go laa batoali n gbanandi nni, yaali n moa leni n yantiali yaa bali ki teni ke n tua ti tuonbiadi bali, yaali n tuuni n gbanandi nni yaa kpaadili.

²⁴ Fala ye leni nni boncianla. Ŋme baa faabi nni leni n gbanandi yaadi n caani nni mi kuuma nni?

²⁵ N tuondi U Tienu, kelima ti Diedo Jesu Kilisiti po. Lanwani mini nba n yantiali nni, n tuo ki ;nua U Tienu bali maama, ama n gbanandi nni n ;nua ti tuonbiadi yaa bali.