Josue 12 - Gourmanchéma Bible

¹ Isalele yaaba den kpa cili ki paadi batieba lie Judana boanduoli, ki diedi bi diema yaama n den cili Alinoni kpenu, ki yaa caa hali Helimoni juali, ki taani leni yaa tialu n ye Judana puoli.

² O badikpialo den tie Amola yaaba bado Sihoni, yua n den ye Hesiboni. O den die Alinoni tialu boagidima, ki cili Aloyeli dogu kani, leni Galaadi yaa diema boagidima, ki yaa caa hali Jaboki kpenu n den tie u banlu wani leni Amoni buolu yaaba siiga.

³ O go den die yaa tialu n ye Judana kpenu leni Kinaloti ñincianma puoli po, ki yaa caa hali Aliba mi ñincianma, mi ñincianyaama nijienu po, ki ban kuu leni Beti-Jesimoti dogu. Niganu po mo, o den die yaa tinga n ye Pisiga juali balinma.

⁴ O badilielo den tie Basana bado Ogi, Lefayima buolu siiga kuli yua n den sieni.

⁵ Wan den die yaa diema den tie Helimoni juali, leni Salika dogu, ki taani leni Basana diema kuli, ki ban dagini hali Gesuli yaaba leni Maakati yaaba diema u banlu. O go den die Galaadi diema boagidima ki ban dagini hali Hesiboni bado Sihoni banlu.

⁶ Li Miali Diedo naacemo Musa leni Isalele yaaba den paadi laa bateliediba, ke Musa den taa bi diema ki teni Lubena buolu yaaba leni Gada buolu yaaba leni Manase buolu yu n tie buolu boagidima.

⁷ Li yaa puoli Josue leni Isalele yaaba den paadi yaa batieba n den ye Judana nintuali. Laa batieba diema den cili Baali-Gada dogu ki goa nijienu po, Libani joaloangu nni, ki yaa caa hali niganu po Halaka juali ki baali Seyili juali. Josue den boagidi mi diema yeni Isalele yaaba siiga ki teni buolu kuli u biinu.

⁸ Li den tie li juali nni yaa diema, leni ku joaloangu nni yaama, leni Judana balinma yaama, leni a juana jiidima yaama, leni mi fanpienma nni yaama, leni niganu yaa diema. Yaaba n den ye laa diema nni den tie Heta yaaba, Amola yaaba, Kanana yaaba, Felesa yaaba, Hefa yaaba leni Jebusa yaaba.

⁹ Isalele yaaba n den paadi yaa dogi yaa batieba den tie: Jeliko, Ayi yu n kuu leni Betela,

¹⁰ Jelusalema, Ebiloni,

¹¹ Jalimuti, Lakisi,

¹² Egilona, Geseli,

¹³ Debili,

¹⁴ Holima, Aladi,

¹⁵ Libina, Adulama,

¹⁶ Makeda, Betela,

¹⁷ Tapua, Hefeli,

¹⁸ Afeka, Lasaloni,

¹⁹ Madona, Hasoli,

²⁰ Similona-Meloni, Akesafi,

²¹ Taanaki, Megido,

²² Kedesi, Jokineyami, Kalimeli juali kani,

²³ Doli, mi ñincianma jaali po, Gojima yu n kuu leni Giligali,

²⁴ leni Tilitisa. Bikuli den taani ki tie piitaa n badiyendo.