Joeli 3 - Gourmanchéma Bible

¹ Li yaa puoli n baa teni n Fuoma n jiidi Ki yayadi bi nisaaliba kuli po. Yi bijaba leni yi bisiaba baa pua sawali. Yi jakpela baa dangi ti dangidi. Yi jawaaba mo baa baa li bonlekaala.

² Laa dana nni, n baa teni n Fuoma n jiidi Ki yayadi baa bi naacenba leni a potuada po.

³ N baa teni li bonlidikaala n tieni, Tanpoli leni ki tinga nni. Mi soama, mi fantama leni ku muñiigbangbadigu baa tieni.

⁴ U yienu baa lebidi ki biigi. O ;nmaalo moko baa lebidi ki moandi nani mi soama yeni, Hali ke Li Miali Diedo daali daa cua, Yaa dacianli n pia i jeje yeni.

⁵ Ama yua n jaandi ki mia Li Miali Diedo Yaa yeli nni kuli, baa faabi. Nani Li Miali Diedo n yedi maama: Bi nitianba Jelusalema niinni baa ciadi, Min gandi yaaba baa cia. Kelima Siyono leni Jelusalema po kuli, Ki nitianga baa sieni. Li Miali Diedo n yini yaaba mo Baa ye yaaba n cia siiga.