Jobi 25 - Gourmanchéma Bible

¹ Bilidada Sua yua den maadi ki yedi:

² «Li bali leni ti jawaanciandi kuli ña U Tienu kane. O yen teni mi yanduanma n yaa ye tanpoli po.

³ Ŋme n baa fidi ki coadi o toagola? O yenma ki yen fii ki yendi ŋme yo?

⁴ O nilo baa tieni lede ki yaa tiegi U Tienu nintuali? O pua n mali yua baa ga lede ki yaa ŋani cain?

⁵ Diidi, li yaa tie ke baa o ŋmaalo naa ñuliti U Tienu po, Ke a ŋmabila mo ki ŋani cain opo,

⁶ O nisaalo yua mo n tie sidibilo, Kaa pia fuoma U Tienu po mo te?»