Esidirasi 10 - Gourmanchéma Bible

¹ Esidilasi n den laabi U Tienu diegu nintuali ki buudi, ki jaandi ki miadi bi *tuonbiadi sugili, Isalele yaaba boncianla, bi jaba leni bi puoba leni bi bila den cua o kani ki buudi boncianla.

² Lani Elami buolu yua Jehieli bijua Sekania den yedi Esidilasi: «Ti tieni ti tuonbiadi ti Tienu po ki taa bi nilanpuoba mi diema nilanbuoli siiga. Baa yeni tinba Isalele yaaba, tii luo suginma.

³ Moala ti baa niani ti Tienu u ñoanianu ke ti baa ñani bi nilanpuoba yeni leni bi bila kuli nani fini ti daano leni yaaba n taa leni a ki fangi ti Tienu*bali maama n sua ke li dagidi maama. Ti baa tieni U Tienu bali maama n bili yaala.

⁴ Fii, li tie a yaa maame. Ti baa yaa ye leni a. Paagi a pali ki tieni la.»

⁵ Lani Esidilasi den fii ki yedi ke bi kopadicianba siiga bi yudanba leni Lefi buolu yaaba yaa yudanba leni Isalele yaaba yaa yudanba n poli ke bi baa tieni nani Sekania n yedi maama. Bi den poli.

⁶ Li yaa puoli Esidilasi den ñani U Tienu diegu nintuali kani ki ban kua Eliasibi bijua Yohanana dieli nni. O den kua likani ama o den yie waa dini, waa ñuni, kelima o pali n den biidi maama Isalele yaaba po, yaaba n ñani ti yonbidi tuonbiadi po yaa po.

⁷ Bi den kpaani Juda diema nni leni Jelusalema nni kuli ki yedi ke yaaba n den ñani ti yonbidi kuli n cua ki taani Jelusalema.

⁸ Bi yudanba leni a nikpela den bili ke yua n kaa cua dana taa siiga bi baa fie o piama kuli ki paadi ki ñani o mo bani yaaba n ñani ti yonbidi ki kpeni siiga.

⁹ Juda buolu yaa jaba leni Benjamina buolu yaa jaba kuli den taani Jelusalema dana taa yeni siiga. Li den tie o ŋmayialo danpiiliedi daali. Bi niba kuli den se U Tienu diegu luolu nni ke ki taaga mii. Bikuli den digibi boncianla kelima mi maama yeni po leni ki taaga po.

¹⁰ O kopadiciamo Esidilasi den fii ki yedi ba: «Yin taa bi nilanpuoba yeni, yi tieni ti tuonbiadi. Yi pugini Isalele yaaba tuonbiadi.

¹¹ Moala yin tuo mani yi tuonbiadi Li Miali Diedo yi yaajanba Tienu kani ki tieni wani n bua yaala. Yin paadi mani leni mi diema nilanbuoli leni bi nilanpuoba.»

¹² Li nitaanli kuli den tiani ki yedi: «Li dagidi tipo. Ti baa tieni ŋan yedi yaala.

¹³ Ama bi niba yaba, ki taaga mo mii, ti kan fidi ki yaa se niinni. Lani bebe ka, laa tie dayenli bi dana lie maama ka, kelima ti siiga yaaba n tieni laa tuonbiadi yaba.

¹⁴ Ti yudanba n sedi li nitaanli kuli po. Ti dogi nni yaaba n taa bi nilanpuoba kuli baa cua ban bili ba yaa yogunu. Yua kuli baa cua leni o dogu nikpela leni u bujiaba. Ti baa teni ti Tienu pabienli n kagidi tipo.»

¹⁵ Asayeli bijua Jonatan leni Tikifa bijua Jakasia leni yaaba n den todi ba, Mesulami leni Lefi buolu yua Sabitayi bebe n den yie laa jagili.

¹⁶ Yaaba n sieni wani kuli den tuo. Bi den gandi o kopadiciamo Esidilasi ki go gandi buolu kuli nni bi diedanba ki taa bi yela. Laa niba den kali cipiiga dakpiali daali ki cili mi maama yeni buudi.

¹⁷ Bi den buni leni yaa jaba n den taa bi nilanpuoba kuli ki kadi mi maama ki gbeni li binlieli ŋmakpialo yaa dakpiali daali.

Yaa Jufinba n den taa bi nilanpuoba yeni yela

¹⁸ Bi kopadicianba siiga den pia yaaba n taa bi nilanpuoba. Li den tie Jotisadaki bijua Josue leni wani Josue waamu yaa bijaba: Maaseja, Elieseli, Jalibi leni Gedalia.

¹⁹ Bi den tuo ke bi baa ñani bi puoba, ki go padi petonli ki mia bi tuonbiadi sugili mo.

²⁰ Imeli buolu nni li den pia Hanani leni Sebadia.

²¹ Halimi buolu nni, Maaseja, Elia, Semayeja, Jehieli leni Osiasi.

²² Pasuli buolu nni: Eliyonayi, Maaseja, Isimayeli, Netaneeli, Josabadi leni Eleyasala.

²³ Lefi buolu yaaba siiga nni, Josabadi, Simeyi, Kelaja bi Kelita, Petaya, Juda leni Elieseli.

²⁴ Bi yanyanba siiga Eliasibi. U Tienu diegu buliñoaguuda siiga, Salumi, Telema leni Uli.

²⁵ Isalele yaaba yaaba n sieni siiga, li den pia Paleyosi buolu yaaba: Lamia, Jisija, Malikiya, Mijamini, Eleyasala, Malikiya leni Benaya.

²⁶ Elami buolu nni, Matania, Sakali, Jehieli, Abidi, Jelemoti leni Elia.

²⁷ Satu buolu nni, Eliyonayi, Eliasibi, Matania, Jelemoti, Sabadi leni Asisa.

²⁸ Bebayi buolu nni: Yohanana, Sabayi leni Atilayi.

²⁹ Bani buolu nni: Mesulami, Maluki, Adaya, Jasubi, Seyali leni Lamoti.

³⁰ Pasati-Moabi buolu nni: Adina, Kelali, Benaya, Maaseja, Matania, Betisaleeli, Binuyi leni Manase.

³¹ Halimi buolu nni: Elieseli, Yisia, Malikiya, Semayeja leni Simeyono.

³² Benjamina, Maluki leni Semalia.

³³ Hasumi buolu nni: Matinayi, Matata, Sabadi, Elifeleti, Jelemayi, Manase leni Simeyi.

³⁴ Bani buolu nni: Maadayi, Amilama, Uyeli,

³⁵ Benaya, Bedia, Keluhu,

³⁶ Fania, Melemoti, Eliasibi,

³⁷ Matania, Matinayi, Jasayi,

³⁸ Bani, Binuyi, Simeyi,

³⁹ Selemia, Natan, Adaya,

⁴⁰ Makinadibayi, Sasayi, Salayi,

⁴¹ Asaleeli, Selemia, Semalia,

⁴² Salumi, Amalia leni Josefi.

⁴³ Nebo buolu nni: Jeyeli, Matitia, Sabadi, Sebina, Jadayi, Joeli leni Benaya.

⁴⁴ Laa niba kuli den taa bi nilanpuoba, bi siiga boncianla den baa a bila.