2 Korenti 3 - Gourmanchéma Bible

¹ Naani ti didi go baa cili ki yaa tiendi ti yula po siedi bi? Bi ti baa bua nani nitianba n tiendi maama yaa tila n baa tieni tipo siedi yi yaa kani, bi ki mia yinba n diani tipo laa tila?

² Yinba yiba n tie tipo laa tili, yaali n diani ti pala nni, bi niba kuli n bandi ki go cogi yaali.

³ Li doagidi bi niba kuli po ke yi tie Kilisiti tili, tin soani yaali. Laa tili naa den diani leni tidianñima ka, ama leni U Tienu yua n fo yaa Fuoma. Lii den diani a tana yaa walimu po ka, ama ti gbanandi yaa walimu po, lan tie yi pala po.

⁴ Lani n tie tin pia yaa dugidi U Tienu po kelima Kilisiti yaa po.

⁵ Laa tie ke ti tama ke ti fidi ki tieni liba kuli ti yucela po. Ama tin fidi yaala kuli ñani U Tienu kani.

⁶ Wani n teni ke ti dagidi ki tua o ;nantaadipaano tuonsoanba ke laa ;nua leni yaa *bali maama n den diani, ama ke li ;nua leni U Tienu Fuoma. Kelima yaa bali maama n den diani kpendinni mi kuuma, ama mi Fuoma puuni li miali.

⁷ Lanwani li yaa tie ke li bali maama yaama n den diani mu tanpabimu ki kpendinni mi kuuma yaa den pia ti kpiagidi, hali yaala ke Isalele yaaba kan den fidi ki diidi Musa nunga kelima laa kpiagidi yaadi n baa pendi yeni n ñuliti maama po,

⁸ laa pia kuli tama ke U Tienu Fuoma n soani yaa tuonli baa pia ti kpiagidi ki cie.

⁹ Li yaa tie ke ti buudi cuonu yaa tuona yaa den pia ti kpiagidi yeni, laa pia kuli tama ke li *moamoansaali yaa tuonli baa pia ti kpiagidi hali boncianla ki cie.

¹⁰ Kelima lani yaa po yaala n den kpa pia ti kpiagidi naa den tie pu a yaa biigi ti leni ti naa kpiagidi, kelima ti naa kpiagidi yaadi n cie boncianla yaa po.

¹¹ Yaala n den tie bonpendikaala yaa den pia ti kpiagidi yeni, yaala n ye ki kan pendi hali abada baa pia ti kpiagidi boncianla ki cie.

¹² Li tie kelima ti pia laa suginma po yo ke ti ye leni ti dugidi.

¹³ Tii tiendi nani Musa ka, wani yua n den fingi o nunga li cabili ke Isalele yaaba n da noanli laa kpiagipendikaadi juodima.

¹⁴ Ama bi yama den pii. Hali dinla bi yaa cogi o ŋantaadikpelo Diani, laa cabili baa ye. Kelima li kan pigidi li yaa tie Kilisiti nni bebe yaaka.

¹⁵ Hali dinla bi yaa cogi Musa tila, li cabili pii bi pala.

¹⁶ Ama, bi yaa lebidi bi yama ki diidi o Diedo yaa yogunu, li cabili pigidi.

¹⁷ To, nekanba lan yedi o Diedo yeni, li bagi mi Fuoma. O Diedo Fuoma n ye naani mo, mi *faabima mo ye lankani.

¹⁸ Tinba yaaba yaa nunmu n pigidi ke bi nua ti niinni o Diedo kpiagidi n ñuliti maama, U Tienu lebidi ti ke ti naani leni wani o Diedo yeni ki baadi ti kpiagidi ki pugidipugidi. O Diedo yua n tie mi Fuoma n tiendi lankuli.