အွန်လိုင်း သမ္မာကျမ်းစာ

Tõoma 9 - Farefare Ninkaré

Asolɩ yɛm teere
( Tõoma 22:4-16 ; 26:9-18 )

¹ Tɩ Asolɩ ken nãmsra Azezi karẽnbiisi la, yetɩ a kʋ ba, sẽŋɛ kãabgɔ kẽma nẽŋadãana zẽ'am

² ka sose ẽ yetɩ, a gʋlsɛ gõnnɔ bɔ Zifdõma wẽndeto n boe Damaasɩ tẽŋam na yetɩ, ẽŋa sãn yẽ nẽrba n de bʋraasɩ, bɩɩ pɔgsɩ n dolɩ Azezi sore, ẽŋa wʋn yõgɛ ba mɛ, lʋ ba tarɩ sẽŋɛ Zerizalɛm.

³ La ẽn to'oge nõorɛ bɔna sore wɛ ka lɛm Damaasɩ la, tɩ peelem ze'ele saazuum darɛ wa nẽegɛ gilge ẽ.

⁴ Tɩ a lui tẽŋa, wõm kõa n yele ẽ yetɩ: «Asolɩ, Asolɩ, bẽm tɩ fʋ nãmsra mam?»

⁵ Tɩ Asolɩ lerge yetɩ: «Zuudãana, fõn de la ãne?» Tɩ kõa la lerge yetɩ: «Mam de la Azezi, sɛka tɩ fʋ nãmsrɩ la.

⁶ La isge kẽ tẽŋa la pʋam, tɩ ba wʋn yele fo fõn wʋn ẽŋɛ se'em.»

⁷ Tɩ bʋra-sɛba n dolɩ ẽ na zɛ yɛrɩ, ka yele se'ere. Ba wõm kõa la mɛ, dee ka yẽ nẽra.

⁸ Tɩ Asolɩ isge pike nini ka le yẽta. Tɩ ba ve'ege ẽ tarɩ sẽŋɛ Damaasɩ.

⁹ La dabsa atã tɩ a nini ka yẽtɩ. La a ka di, bɩɩ yũ sɛla.

¹⁰ La Azezi karẽnbia ayɩla n daan boe Damaasɩ, tɩ a yʋ'ʋrɛ dɛna Ananiyasɩ. Tɩ Zuudãana Azezi puke a mẽŋa pa'alɛ ẽ wʋ zãasŋɔ la, wi ẽ yetɩ: «Ananiyasɩ.» Tɩ a lerge yetɩ: «M Zuudãana, mam n wãna.»

¹¹ Tɩ Zuudãana la yele ẽ yetɩ: «Isge doose sorɔ-sɛka tɩ ba wi'iri tɩ sorɔ-tẽntẽa la, sẽŋɛ Azudaasɩ yire ka soke Tarsɩ tẽŋa bʋraa yʋ'ʋrɛ n de Asolɩ la yelle. A boe mĩ pʋ'ʋsra mɛ.

¹² La a yẽ la bʋraa wʋ zãasŋɔ la, bʋraa la yʋ'ʋrɛ de la Ananiyasɩ, a yẽ ẽ tɩ a kẽ'em mɛ wa dɩkɛ a nu'usi paglɛ ẽŋa zuo tɩ ẽŋa le yẽta.»

¹³ Tɩ Ananiyasɩ lerge yetɩ: «Zuudãana, mam põn wõm bʋraa wã yelle zozo'e mɛ, ẽŋa n tõm fʋ nẽrba be'em se'em Zerizalɛm,

¹⁴ la a to'oge nõorɛ kãabgɔ kẽma nẽŋadõma zẽ'am mɛ wa'am kalam tɩ a yõgɛ sɛba wuu n pʋ'ʋsrɩ la fõn yʋ'ʋrɛ la.»

¹⁵ Tɩ Zuudãana la yele Ananiyasɩ yetɩ: «Sẽŋɛ, mam looge ẽ mɛ tɩ m botɩ a tarɩ mam yʋ'ʋrɛ sẽŋɛ ka tɔgɛ bɔ bu-zãŋsɩ, la ba na'adõma, la Ɩsrayɛlɩ dõma mẽ.

¹⁶ Mam wʋn pa'alɛ ẽ ẽn wʋn nãmsɛ se'em mam yʋ'ʋrɛ ĩyã.»

¹⁷ Tɩ Ananiyasɩ sẽŋɛ ka kẽ yire la pʋam dɩkɛ a nu'usi paglɛ Asolɩ zuo yele ẽ yetɩ: «M sɔbia Asolɩ, fõn daan boe sore zuo sẽnna tɩ Zuudãana Azezi puke a mẽŋa pa'alɛ fʋ la, ẽŋa n tõm mam fʋ zẽ'am tɩ m botɩ fʋ nini le yẽta, dee tɩ fʋ to'oge Nawẽnnɛ Sɩa pãŋa.»

¹⁸ Tɩ Ananiyasɩ n yele bɛla la, sɛla n ãn wʋ pɔgrɔ n kɔ'ɔn ze'ele Asolɩ ninum lui, tɩ a le yẽta. Tɩ a isge, tɩ ba mise ẽ ko'om pʋam,

¹⁹ dee tɩ a di dia, tɩ a pãŋa le wa'am. Asolɩ daan weege Damaasɩ Azezi karẽnbiisi la zẽ'am na dabsa fẽe,

Asolɩ mõolɛ Nawẽnnɛ yetɔga Damaasɩ tẽŋa pʋam

²⁰ darɛ kẽ Zifdõma wẽndetʋm mõola Nawẽnnɛ yetɔga yetɩ, Azezi de la Nawẽnnɛ Dayʋa.

²¹ Tɩ la di'ige sɛba wuu n wõm na. Tɩ ba yetɩ: «Dagɩ bʋra-ẽna wã n daan boe Zerizalɛm kɔ'ɔn nãmsra nẽr-sɛba n pʋ'ʋsrɩ la Azezi yʋ'ʋrɛ la? A nõo ka wa'am kalam tɩ a yõgɛ ba lʋ mɛ tarɩ ba sẽŋɛ kãabgɔ kẽma nẽŋadõma zẽ'am?»

²² La Asolɩ daan yẽtɩ bʋraanɛ mɛ pa'asra, tɔgɛ yãŋɛ Zifdõma sɛba n boe Damaasɩ la, pa'alɛ ba tɩ Azezi de la Krisi tɩ Nawẽnnɛ tõm.

²³ La dabsa faa n pa'asɛ tɩ Zifdõma lagɩm ẽŋɛ nõorɛ ayɩla yetɩ ba kʋ ẽ.

²⁴ Tɩ Asolɩ daan bãŋɛ ban bãm yetɩ ba ẽŋɛ se'em na. Ba daan gu'uri tẽŋa la yansɩ la wʋntɛɛŋa la yʋ'ʋŋɔ, bɔɔra tɩ ba kʋ ẽ.

²⁵ Tɩ daarɛ ayɩla yʋ'ʋŋɔ, tɩ a karẽnbiisi daan botɩ a sige pɩ'ɩgɔ pʋam, tɩ ba dɩkɛ ẽ sike lalga poorʋm, tɩ a fõrgɛ.

Asolɩ boe Zerizalɛm

²⁶ La Asolɩ daan sẽŋɛ la Zerizalɛm ka bɔɔra tɩ a lagɩm na Azezi karẽnbiisi la. La ba daan zotɩ ẽ mɛ, ba daan ka sakɛ tɩ a sɩrɩ de la Azezi karẽnbia.

²⁷ Tɩ Abarnabasɩ daan tarɩ ẽ sẽŋɛ Azezi Tõntõnɩba la zẽ'am ka pa'alɛ ba Asolɩ n daan yẽ Zuudãana Azezi Damaasɩ sore zuo, la Zuudãana la n tɔgɛ ẽ se'em, la ẽn daan kãbɛ sũure mõolɛ Azezi yelle Damaasɩ se'em.

²⁸ Tɩ Asolɩ yãŋa daan bɔna la ba Zerizalɛm, ɛɛra tẽŋa la pʋam wuu, kãbɛ sũure mõola Zuudãana Azezi yelle.

²⁹ La a daan tɔgrɩ mɛ wẽ'era nõke'ene la Zifdõma sɛba n tɔgrɩ Grɛkɩ yetɔga la. Tɩ ba bɔɔra tɩ ba kʋ ẽ.

³⁰ La Azezi karẽnbiisi la n bãŋɛ bɛla la, ba tarɩ ẽ sẽŋɛ la Sezaare, tɩ ba botɩ a sẽŋɛ Tarsɩ.

³¹ Tɩ Azezi nẽr-kʋʋŋɔ la n boe Zude, la Galile, la Samaari tẽnsʋm na, daan ka le yẽ nãmsgɔ. Tɩ Nawẽnnɛ Sɩa sõŋra ba, tɩ ba kãllɛ pa'asra, tɩ ba zɛ kãŋkãŋɛ nã'asra Zuudãana la ba sũure wuu.

A'ene yẽ ĩmã'asʋm

³² La Apɩyɛɛrɩ daan eerɩ gilgra la zẽ'esɩ la wuu, tɩ daarɛ ayɩla tɩ a sẽŋɛ Nawẽnnɛ nẽrba la n boe Lida la zẽ'am.

³³ La bilam a yẽ la bʋraa ayɩla yʋ'ʋrɛ n de A'ene, a daan bẽ mɛ kɔɔrʋm gã yʋʋma anii.

³⁴ Tɩ Apɩyɛɛrɩ yele ẽ yetɩ: «A'ene, Azezi-krisi bɔ fʋ ĩmã'asʋm mɛ. Isge vaagɛ fʋ bõn-gã'ala la bĩŋe.» Tɩ a isge bilam zẽ'am.

³⁵ Tɩ Lida, la Saarõ tẽnsɩ nẽrba wuu yẽ tɩ bʋraa la yẽ ĩmã'asʋm mɛ, tɩ ba teege yɛm dɩkɛ ba mẽŋa bɔ Zuudãana.

Atabita vo'ore

³⁶ La pɔka ayɩla n daan boe Zope dɛna Azezi karẽnbia tɩ a yʋ'ʋrɛ dɛna Atabita. (Tɩ Grɛkɩdõma yetɩ, Adɔrkasɩ, a võorɛ de la «mõlfɔ».) A daan tõnnɩ la tõon-sõma sõŋra nasdõma.

³⁷ La wakat-ẽŋa bã'a n yõkɛ ẽ, tɩ a ki. Tɩ ba sɔ ẽ, tarɩ ẽ zom deego n boe deego zuum ka gã'arɛ ẽ.

³⁸ Zope ka zãagɛ la Lida. La karẽnbiisi la n wõm tɩ Apɩyɛɛrɩ boe bilam na, tɩ ba tõm bʋraasɩ bayi yetɩ, ba sẽŋɛ ka wi ẽ yetɩ, a wa'am, a da yuuge.

³⁹ Tɩ Apɩyɛɛrɩ isge doose ba sẽŋɛ. La ban paagɛ la, ba tarɩ Apɩyɛɛrɩ zom na deego la n boe deego zuo la. Tɩ pɔkõpa wuu lɛm Apɩyɛɛrɩ kɛlla, dee pa'ala fu-sɛba tɩ Adɔrkasɩ daan pɛ bɔ ba, ẽn daan vɔa la.

⁴⁰ Tɩ Apɩyɛɛrɩ botɩ ba wuu yese yẽŋa, dee ka dũma tẽŋa pʋ'ʋsɛ, dee wẽrgɛ kũm na bɔba yetɩ: «Atabita, isge.» Tɩ a pike nini yẽ Apɩyɛɛrɩ, isge zĩ'ire.

⁴¹ Tɩ Apɩyɛɛrɩ gʋrɛ a nu'ugo, tɩ a isge ze'ele, tɩ a wi Azezi nẽrba la, la pɔkõpa la pa'alɛ ba tɩ a le vɔa mɛ.

⁴² La Zope tẽŋa dõma wuu n daan wõm yel-ẽna wã la, ba nẽrba zozo'e n bɔ Zuudãana Azezi sɩra.

⁴³ Apɩyɛɛrɩ daan yuuge Zope paagɛ la dabsa se'em. A daan boe la Asimõ n de gãnzapa la yire.

« အရင်

နောက်တစ်ခု »

Wycliffe Bible Translators, Inc.

ကြှနျုပျတို့နောကျလိုကျပါ:

ပံ့ပိုးပေးထားသော လင့်ခ်များ

ကြော်ငြာတွေ