အွန်လိုင်း သမ္မာကျမ်းစာ

Tõoma 6 - Farefare Ninkaré

Ba looge nẽrba bayopɔɩ tõoma ĩyã

¹ La dabs-bãma wakatɛ karẽnbiisi la daan pa'asrɩ mɛ zɔ'ɔra, tɩ Zifdõma sɛba n tɔgrɩ Grɛkɩ yetɔga la daan yõnna la Zifdõma nẽr-sɛba n tɔgrɩ Ebre yetɔga la yetɩ, ban sõŋrɩ nẽrba la dia daarɛ woo la, ba ka bɔ'ɔrɩ bãma pɔkõpa la wʋ lan masɛ.

² Bɛla ĩyã tɩ Tõntõnɩba pia la ayi la wi karẽnbiisi la wuu, yele ba yetɩ: «La ka masɛ tɩ tõma basɛ Nawẽnnɛ kõ-yẽlga mõolgɔ dee pʋta dia.

³ Bɛla tɩ sɔbiisi, bɩsɛ ya pʋam looge bʋraasɩ bayopɔɩ n de nẽr-sõma, dee dɛna yɛm dõma, tɩ Nawẽnnɛ Sɩa bɔna la ba lɛ zozo'e, tɩ tɩ dɩkɛ tõon-ẽna wã ẽŋɛ ba nu'usum.

⁴ Dee tɩ tõma wɩsgɛ tɩ mẽŋa la Nawẽnnɛ pʋ'ʋsgɔ, la a yetɔga la mõolgɔ.»

⁵ Tɩ ban yele se'em na daan ẽŋɛ nẽrba la wuu sũure yẽlʋm. Tɩ ba looge A'etɩɛnɩ n bɔ Azezi sɩra zozo'e tɩ Nawẽnnɛ Sɩa bɔna la ẽ lɛ, la Afilipi, la Aprokɔɔrɩ, la Anikanɔɔrɩ, la Atimõ, la Aparmɛnasɩ, la Anikolasɩ n yese Antɩyɔsɩ dee dɔla Zifdõma pʋ'ʋsgɔ sore.

⁶ Tɩ ba tarɩ ba sẽŋɛ Tõntõnɩba la zẽ'am, tɩ ba dɩkɛ ba nu'usi paglɛ ba zuto pʋ'ʋsɛ Nawẽnnɛ bɔ ba.

⁷ La Nawẽnnɛ yetɔga la daan saarɩ zẽ'esɩ mɛ pa'asra, tɩ karẽnbiisi la kãllɛ mẽ pa'asra Zerizalɛm pʋam zozo'e. Tɩ kãabgɔ kẽma zozo'e daan bɔ'ɔra Azezi sɩra.

A'etɩɛnɩ yõkrɛ

⁸ La A'etɩɛnɩ n tarɩ Nawẽnnɛ yel-sõnnɛ la a pãŋa zozo'e la, daan tõnnɩ la tõon-yãlma la yel-kɩrsɩ nẽrba tẽŋasʋka.

⁹ Tɩ Zifdõma basɛba n daan de yamsɩ dee yãŋa to'oge ba mẽŋa, tɩ ba wi'ira ba wẽndeego tɩ soe m mẽŋa dõma wẽndeego, n yese Sirɛnɩ, la Alɛgsãndri, la Zifdõma basɛba n yese Silisi, la Azi tẽnsɩ n wẽ'erɩ nõke'ene la A'etɩɛnɩ.

¹⁰ La Nawẽnnɛ Sɩa n bɔ'ɔrɩ A'etɩɛnɩ yɛm tɩ a tɔgra, tɩ ba ka tã'agɛ lerge ẽ.

¹¹ Tɩ ba ɛ nẽrba botɩ ba dõrɛ ẽ yetɩ: «Tõma wõm tɩ a tɔgɛ la Amoyisi la Nawẽnnɛ tɔg-be'ero.»

¹² Ban ẽŋɛ bɛla la, ba botɩ nẽrba la, la ba kẽma, la ba lɔɔ karẽnsãandõma la wuu sũure isge mɛ, tɩ ba yõkɛ ẽ tarɩ sẽŋɛ sarɩyaditba zẽ'am,

¹³ dee botɩ nẽrba parɩm bɔ ẽ yetɩ: «Bʋra-ẽna wã tɔgrɩ la Wẽnde-kãtɛ la Nawẽnnɛ lɔɔ tɩ a bɔ Amoyisi la tɔg-be'ero ka gɔ'ɔra.

¹⁴ Tõma wõm tɩ a yetɩ, Azezi n yese Nazarɛtɩ la wʋn sã'am Wẽnde-kãtɛ la mɛ, dee teege ɩr-sɛba tɩ Amoyisi yʋʋn pa'alɛ tɩ yaabdõma yetɩ tɩ ɩta la.»

¹⁵ Tɩ sarɩyaditba la wuu n zĩ la bɩsra A'etɩɛnɩ zĩi, yẽ tɩ a nẽŋa ãn wʋ malɛka nẽŋa la.

« အရင်

နောက်တစ်ခု »

Wycliffe Bible Translators, Inc.

ကြှနျုပျတို့နောကျလိုကျပါ:

ပံ့ပိုးပေးထားသော လင့်ခ်များ

ကြော်ငြာတွေ