အွန်လိုင်း သမ္မာကျမ်းစာ

Lilegere 21 - Farefare Ninkaré

Saazuum paalga, la tẽn-paalga

¹ Tɩ mam yẽ saazuum paalga, la tẽn-paalga. Pɔspɔsɩ saazuum, la pɔspɔsɩ tẽŋa la bɔɩ mɛ, la ko-kãtɛ mẽ ka le bɔna.

² La mam yẽ la Nawẽnnɛ tẽŋa n de Zerizalɛm paalga n ze'ele saazuum Nawẽnnɛ zẽ'am sigra. A malgɛ mɛ ãna sõŋa wʋ pɔka n yɛ nẽnnõm futo mãasʋm a mẽŋa tɩ a ele a sɩra.

³ Tɩ mam wõm kõa n ze'ele na'am bĩmbĩnne na zẽ'am tɔgɛ ke'enke'em yetɩ: «Nawẽnnɛ kẽ'a zẽ'am boe la nẽrsaalba tẽŋasʋka. A wʋn kẽ'era la ba lɛ, tɩ ba dɛna a nẽrba. Nawẽnnɛ mẽŋa n wʋn bɔna la ba lɛ.

⁴ A wʋn duuse ba nintãm wuu. La kũm kãn le bɔna, sũ-sã'aŋɔ la kaasga, bɩɩ toogo kãn le bɔna. Yel-kɛgsɩ la wuu tole mɛ.»

⁵ Tɩ sɛka n zĩ na'am bĩmbĩnne zuo la yele yetɩ: «Bɩsɛ, mam ɩtɩ sɛla woo la paalsɩ.» Dee yele mam yetɩ: «Gʋlsɛ wãna, se'ere n soe la, mam yetɔga wã de la sɩra dee masɛ tɩ ba bɔ sɩra.»

⁶ Dee le yele mam yetɩ: «La ẽŋɛ ba'asɛ mɛ. Mam de la Alfa, la Omega, sɛla woo pĩ'iluŋo, la ba'asgɔ. Koyũuro n tarɩ sɛka, mam wʋn bɔ ẽ ko'om n bulli n bɔ'ɔrɩ vɔm zãŋa tɩ a yũ.

⁷ Nẽr-sɛka n yãŋɛ, a wʋn to'oge la bõn-bãma mam zẽ'am. Mam wʋn dɛna a Wẽnnaam, tɩ a mẽ dɛna mam bia.

⁸ La sãn dɛna dabeto, la sɛba n ka bɔ sɩra, la sɛba n tõnnɩ tõon-dẽgrɔ, la nẽr-kʋʋrba, la yalsɩ dõma, la sɛba n tõnnɩ tɩɩm tõoma, la sɛba n nã'asrɩ bõndõma tɩ ba mãalɛ, la põmpɔrndõma la wuu, bãma zẽ'a de la bugum mõgrɛ n diti kidibre pʋam. Bɛla de la kũm bʋyi dãana.»

Zerizalɛm tẽn-paalga

⁹ Tɩ malɛkadõma bayopɔɩ la n daan zãlɩ laasɩ bayopɔɩ n pɩrɛ la tooro bayopɔɩ n de ba'asgɔ tooro la, ayɩla wa'am wa yele mam yetɩ: «Wa'am tɩ mam wʋn pa'alɛ fʋ pɔka la n yetɩ a ele la, Pebila la pɔga la.»

¹⁰ Tɩ Nawẽnnɛ Sɩa bɔna la mam, tɩ malɛka la tarɩ mam zom tãn-kãtɛ n wɔgɛ zuo. La a pa'alɛ mam na Nawẽnnɛ tẽŋa n de Zerizalɛm n ze'ele saazuum Nawẽnnɛ zẽ'am sigra,

¹¹ n yẽgrɩ la Nawẽnnɛ na'am pãŋa. A sõŋa la yẽgrɩ wʋ kug-sõŋɔ n tarɩ yõorɔ, ãna wʋ kugre tɩ ba wi'iri tɩ zaspɩ, dee yẽgra wʋ bɩsga tɩ ba wi'iri kristalɩ.

¹² Tẽŋa la tarɩ la lal-kãtɛ n wɔgɛ gilge ẽ, tara nõa pia la ayi. Tɩ malɛkadõma pia la ayi gu'ura nõa la. Ɩsrayɛlɩ buuri pia la ayi la yʋ'ʋra n gʋlsɛ nõa la zuto.

¹³ Nõa batã n boe lalga la dapoore bɔba, tɩ batã bɔna zʋʋgɔ bɔba, tɩ batã bɔna gɔbga bɔba, tɩ batã bɔna zanõa bɔba.

¹⁴ Tẽŋa la lalga ẽebɛ la kuga pia la ayi zuto. Tɩ Azezi n de Pebila la Tõntõnɩba pia la ayi la yʋ'ʋra gʋlsɛ kug-bãma zuto.

¹⁵ Malɛk-sɛka n daan tɔgɛ la mam na, tarɩ la sãlma dɔɔgɔ tɩ ba tarɩ makra, tɩ a makɛ tẽŋa la, la a nõa, la a lalga la.

¹⁶ Tẽŋa la de la tẽn-wẽkɔ tɩ a lalsɩ banaasɩ la wuu zõna taaba. Tɩ malɛka la dɩkɛ dɔɔgɔ la makɛ tẽŋa la. Tɩ a yɔlŋɔ dɛna sɩtaadɩ tʋspia la ayi. A woglʋm la a yɔlŋɔ, la a saazuum woko zõn na taaba.

¹⁷ La a makɛ lalga la mɛ, tɩ a woglʋm dɛna kãntɩɩsɩ kɔbga la pinaasɩ la anaasɩ. A kãntɩɩsɩ la de la bʋyɩla la nẽrsaala kãntɩɩsɩ.

¹⁸ Ba dɩkɛ la kug-sõma yʋ'ʋrɛ n de zaspɩ mẽ lalga la. La tẽŋa la mẽŋa de la sãlma mẽŋa mẽŋa n yẽgrɩ ãna wʋ bɩsga la.

¹⁹ Lalga la, ba dɩkɛ la kug-sõma buuri to'oto'ore n tarɩ yõorɔ ẽebɛ ẽ, tɩ a ãna sõŋa. Ẽbrɛ la pɔspɔsɩ kugre la yʋ'ʋrɛ de la zaspɩ, tɩ bʋyi dãana yʋ'ʋrɛ dɛna safɩɩrɩ, tɩ bʋtã dãana dɛna kalsedʋanɩ, tɩ bʋnaasɩ dãana dɛna emerɔdɩ.

²⁰ Tɩ bʋnuu dãana dɛna sadonigsi, tɩ bʋyoobɩ dãana dɛna sardʋanɩ, tɩ bʋyopɔɩ dãana dɛna krizoliti, tɩ bʋnii dãana dɛna berili, tɩ bʋwɛɩ dãana dɛna topaazɩ, tɩ pia dãana dɛna krizoprazɩ, tɩ pia la ayɩla dãana dɛna yasẽntɩ, tɩ pia la ayi dãana dɛna ametisti.

²¹ Nõa pia la ayi la kʋlɩnsɩ, ba dɩkɛ la kug-sõma buuri n tarɩ yõorɔ yʋ'ʋrɛ n de pɛrlɩ pia la ayi ẽŋɛ ba. Ba dɩkɛ la pɛrlɩ ayɩla ẽŋɛ nõorɛ ayɩla woo kʋlɩŋa. Tẽŋa la pallɛ de la sãlma mẽŋa mẽŋa n yẽgrɩ wʋ bɩsga la.

²² Mam ka yẽ Wẽndeego tẽŋa la pʋam, se'ere n soe la, Zuudãana Nawẽnnɛ n de ke'eŋo wuu dãana, la Pebila la n boe mĩ.

²³ Tẽŋa la ka boorɩ wẽntulle, bɩɩ wõrga tɩ ba nẽegɛ ẽ, se'ere n soe la, Nawẽnnɛ na'am pãŋa peelem n nẽerɩ ẽ, tɩ Pebila la dɛna a fɩtla.

²⁴ Dũnia so'olʋm wuu nẽrba wʋn sẽnna la a peelem na pʋam. La dũnia na'adõma wʋn tara ba bõntarsõm sẽŋɛ mĩ.

²⁵ Tẽŋa la nõa kãn malɩn yʋ, se'ere n soe la, yʋ'ʋŋɔ ka boe mĩ.

²⁶ Ba wʋn tarɩ dũnia so'olʋm wuu nã'asgɔ, la ba bõntarsõm sẽŋɛ mĩ.

²⁷ Sɛla n de bõn-dẽgrɔ wuu, bɩɩ nẽr-sɛka woo n tõnnɩ tõon-dẽgrɔ, la põmpɔrndõma kãn kẽ tẽŋa la pʋam. Nẽr-sɛba yʋ'ʋra n gʋlsɛ Pebila la vɔm gõŋɔ la pʋam mã'a n wʋn kẽ tẽŋa la pʋam.

« အရင်

နောက်တစ်ခု »

Wycliffe Bible Translators, Inc.

ကြှနျုပျတို့နောကျလိုကျပါ:

ပံ့ပိုးပေးထားသော လင့်ခ်များ

ကြော်ငြာတွေ