အွန်လိုင်း သမ္မာကျမ်းစာ

Lilegere 20 - Farefare Ninkaré

Yʋʋma tʋsrɛ na'am

¹ Bɛla poorʋm, mam yẽ la malɛka n ze'ele Nawẽnnɛ yire sigra. A zãlɩ la bog-ko'ogo la saafɩbiire, la zɔrgɔ n ãn kãtɛ.

² A yõkɛ la pʋryõŋ-yãlma la n de kʋrʋm kʋrʋm bõnsɛla, n de dõta, n de Asũtãana la lʋ ẽ yʋʋma tʋsrɛ ĩyã.

³ A lobe ẽ basɛ la bog-ko'ogo la pʋam yʋ, dee bɩ taasɛ, tɩ a da le yãŋɛ pã'asɛ dũnia so'olʋm nẽrba, gu'ura halɩ tɩ yʋʋma tʋsrɛ la wa paagɛ. Yʋʋma tʋsrɛ la poorʋm, dẽnɩ tɩ ba lorge ẽ basɛ wakatɛ fẽfẽe.

⁴ Tɩ mam yẽ na'am bĩmbĩna, tɩ ba bɔ nẽr-sɛba n zĩ ba zuto la ke'eŋo tɩ ba di sarɩya. Tɩ mam yẽ nẽr-sɛba tɩ ba daan wige ba zuto, ban bɔ Azezi sɩra, dee mõolɛ Nawẽnnɛ yetɔga la sɩɩsɩ. Nẽr-bãma daan ka nã'asɛ dũŋa la, la a bõnɔ na tɩ ba mãalɛ la, la ba ka to'oge a dãalgɔ ba dĩa zuto bɩɩ ba nu'usi zuto. Ba vo'oge mɛ lagɩm na Krisi di na'am yʋʋma tʋsrɛ la pʋam.

⁵ Ẽna de la pɔspɔsɩ kũm vo'ore. La kũm basɛba la ka vo'oge, sãn dagna yʋʋma tʋsrɛ la n wʋn wa tole.

⁶ Nẽr-sɛba n wʋn po vo'oge pɔspɔsɩ kũm vo'ore la, tarɩ zu-yẽlga, bãma de la Nawẽnnɛ nẽrba. Kũm bʋyi dãana la ka tã wʋn ẽŋɛ ba sɛla. Bãma n wʋn dɛna Nawẽnnɛ la Krisi kãabgɔ kẽma, la ba wʋn lagɩm na Krisi di na'am yʋʋma tʋsrɛ.

Ba yãŋɛ Asũtãana

⁷ Yʋʋma tʋsrɛ la sãn wa tole, ba wʋn yese Asũtãana yʋ'a zẽ'a na basɛ mɛ.

⁸ Tɩ a yese pã'asɛ dũnia so'olʋm buuri wuu nẽrba, Gɔɔgɩ la Magɔɔgɩ. A wʋn lagsɛ ba mɛ tɩ ba zɛbɛ zɛbrɛ. Ba wʋn lagsɛ zo'oge wʋ tẽntõnbĩ'isgo n boe ko-kãtɛ nõorʋm se'em na.

⁹ Ba wʋn yese mɛ dũnia wuu lagsɛ kaagɛ Nawẽnnɛ nẽrba n boe zẽ'e-sɛka, tẽn-sɛka tɩ Nawẽnnɛ nõŋɛ la. La bugum n wʋn ze'ele Nawẽnnɛ yire sige di ba.

¹⁰ Tɩ ba wʋn yõkɛ Asũtãana n pã'asrɩ dũnia nẽrba la lobe basɛ bugum mõgrɛ n diti kidibre pʋam, zẽ'e-sɛka tɩ ba daan põn lobe dũŋa, la põmpɔrŋɔ nõtɔ'ɔsa la. Bilam ba wʋn nãmsra la wʋntɛɛŋa la yʋ'ʋŋɔ wakatɛ n ka ba'asrɩ.

Nawẽnnɛ di ba'asgɔ sarɩya

¹¹ Tɩ mam le yẽ na'am bĩmbĩnne kãtɛ n de pɛɛlga, la sɛka n zĩ a zuo. Tɩ tẽŋa la saazuum zoe fõrgɛ a nẽŋam, tɩ ba ka le yẽ ba.

¹² Tɩ mam yẽ nẽr-sɛba n ki la, kɛ'ɛndõma, la tarɩmdõma n ze na'am bĩmbĩnne na nẽŋam. Tɩ ba lagsɛ gõnnɔ. La ba lakɛ la gõŋɔ ayẽma n de vɔm gõŋɔ. Tɩ ba di sɛba n ki la sarɩya masɛ wʋ ba tõoma n de se'em, wʋ lan gʋlsɛ gõnnɔ na pʋam se'em na.

¹³ Tɩ ko-kãtɛ basɛ sɛba n ki a pʋam na, tɩ kũm, la kɩ'ɩn-tẽŋa mẽ basɛ nẽr-sɛba n ki bɔna ba zẽ'am na. La ba di ba wuu sarɩya masɛ wʋ ban tõm se'em na.

¹⁴ Tɩ ba lobe kũm, la kɩ'ɩn-tẽŋa basɛ bugum mõgrɛ la pʋam. Bugum mõgrɛ la de la kũm bʋyi dãana.

¹⁵ Sɛka yʋ'ʋrɛ n ka gʋlsɛ vɔm gõŋɔ la pʋam, ba wʋn lobe ẽ basɛ la bugum mõgrɛ la pʋam.

« အရင်

နောက်တစ်ခု »

Wycliffe Bible Translators, Inc.

ကြှနျုပျတို့နောကျလိုကျပါ:

ပံ့ပိုးပေးထားသော လင့်ခ်များ

ကြော်ငြာတွေ