အွန်လိုင်း သမ္မာကျမ်းစာ

Lilegere 13 - Farefare Ninkaré

Dũnsi bayi

¹ Bɛla poorʋm, mam yẽ la dũŋa n ze'ele ko-kãtɛ pʋam dooge. A tarɩ la ɩɩla pia, la zuto bayopɔɩ, tɩ mũnsi pia vuge a ɩɩla la wuu. La yʋ'ʋra n pɔ'ɔrɩ Nawẽnnɛ yʋ'ʋrɛ n gʋlsɛ a zuto la zuo.

² Dũŋa la tɩ mam yẽ la wõn na webaaga. Tɩ a nã'a-tala ãna kãra, tara nã'a-ẽesɩ wʋ tẽŋambõŋa la. Dee tɩ a nõorɛ ãna wʋ gɩgnɛ nõorɛ la. Tɩ pʋryõŋ-yãlma la dɩkɛ a pãŋa, la a na'am bĩmbĩnne, la a ke'eŋo bɔ dũŋa la.

³ Dũŋa la zuugo ayɩla daan pɔglʋm mɛ, ãna wʋ a ki mɛ na, la a pɔglʋŋɔ la daan bɔɩ mɛ. Tɩ la di'ige dũnia nẽrba wuu, tɩ ba dɔla dũŋa la.

⁴ Tɩ nẽrba wuu nã'asra pʋryõŋ-yãlma la, ẽn bɔ dũŋa la a ke'eŋo la ĩyã. Dee nã'asra dũŋa la yetɩ: «Ãne n tarɩ ke'eŋo wʋ dũŋa la? La ãne n tã wʋn zɛbɛ la ẽ lɛ?»

⁵ Tɩ ba bɔ dũŋa la nõorɛ tɩ a tɔgɛ tɩta'alʋm yetɔga, dee tʋ Nawẽnnɛ. A to'oge ke'eŋo tɩ a tõm na wõrsɩ pinaasɩ la ayi.

⁶ Tɩ a pɔsɛ tɔgra pɔ'ɔra Nawẽnnɛ dee pɔ'ɔra a yʋ'ʋrɛ, la zẽ'e-sɛka tɩ a boe, la sɛba n boe Nawẽnnɛ yire la wuu.

⁷ Tɩ ba bɔ ẽ nõorɛ tɩ a zɛbɛ la Nawẽnnɛ nẽrba yãŋɛ ba. Ba bɔ ẽ ke'eŋo tɩ a yãŋɛ la buuri wuu nẽrba, la tẽnsɩ wuu nẽrba, la yetɔga buuri wuu nẽrba, la so'olʋm wuu nẽrba.

⁸ Nẽrba wuu n boe dũnia zuo wʋn nã'asɛ dũŋa la mɛ, sãn dagna sɛba yʋ'ʋra n gʋlsɛ Pebila tɩ ba daan kʋ la vɔm gõŋɔ pʋam na. Nẽr-bãma yʋ'ʋra daan põn gʋlsɛ vɔm gõŋɔ la pʋam na halɩ dũnia pĩ'iluŋo wakatɛ.

⁹ Sɛka n wõm yetɔga wã, a selse sõŋa sõŋa.

¹⁰ Nẽr-sɛka n de ba yõkɛ ẽ sẽŋɛ, ba wʋn yõkɛ ẽ sẽŋɛ. Nẽr-sɛka n de ba kʋ ẽ na sʋ'a, ba wʋn kʋ ẽ na sʋ'a. Bɛla, dẽnɩ tɩ Nawẽnnɛ nẽrba tara sũ-ke'eŋo, dee bɔ Nawẽnnɛ sɩra.

¹¹ Bɛla poorʋm, mam yẽ la dũŋa ayẽma n ze'ele tẽŋa pʋam yese. A tarɩ la ɩɩla bayi n wõn na pebila ɩɩla, dee tɔgra wʋ pʋryõŋ-yãlma la.

¹² A tarɩ la pɔspɔsɩ dũŋa la ke'eŋo tõnna a nifum. A pẽrgɛ dũnia nẽrba wuu mɛ tɩ ba nã'asra pɔspɔsɩ dũŋa la n daan pɔglʋm ãna wʋ a ki mɛ, dee yeege la.

¹³ Dũŋa bʋyi dãana la ẽŋɛ la bõn-yãlm-kãra, halɩ botɩ bugum zɛ'ɛta saazuum sigra dũnia, nẽrba nifum.

¹⁴ Bõn-yãlma la tɩ a ẽŋɛ pɔspɔsɩ dũŋa la nifum na, botɩ a pã'asɛ dũnia nẽrba mɛ. A yele ba tɩ ba mãalɛ bõnɔ tɩ a ãna wʋ dũŋa la tɩ ba pɔglʋm na sʋ'a tɩ a vɔa la.

¹⁵ Tɩ ba bɔ dũŋa bʋyi dãana la ke'eŋo tɩ a bɔ bõnɔ na tɩ ba mãalɛ tɩ a ãna wʋ pɔspɔsɩ dũŋa la vo'osʋm, tɩ a tãna tɔgra, dee kʋ sɛba wuu n ka nã'asrɩ ẽ na.

¹⁶ La dũŋa la pẽrgɛ nẽrba wuu mɛ, tarɩmdõma la kɛ'ɛndõma, bõntatba la nasdõma, yamsɩ la burkĩndõma tɩ ba dãalɛ ba zʋʋgɔ nu'ugo bɩɩ ba dĩire.

¹⁷ Tɩ nẽra nẽra ka tãna wʋn da bɩɩ koose sɛla, a sãn ka tara dũŋa la dãalgɔ, a yʋ'ʋrɛ, bɩɩ a yʋ'ʋrɛ la kãllɛ.

¹⁸ Dẽnɩ tɩ fʋ tara yɛm: Nẽr-sɛka n tarɩ pʋtẽ'erɛ, ẽŋa n wʋn tã'agɛ bãŋɛ dũŋa la kãllɛ võorɛ. Se'ere n soe la, kãllɛ la võorɛ de la nẽrsaala kãllɛ. Kãllɛ la biɛ de la 666.

« အရင်

နောက်တစ်ခု »

Wycliffe Bible Translators, Inc.

ကြှနျုပျတို့နောကျလိုကျပါ:

ပံ့ပိုးပေးထားသော လင့်ခ်များ

ကြော်ငြာတွေ