အွန်လိုင်း သမ္မာကျမ်းစာ

Galatɩ 2 - Farefare Ninkaré

Apolɩ, la Azezi Tõntõnɩba basɛba la tarɩ la nõ-yẽnnɛ

¹ Bɛla poorʋm yʋʋma pia la anaasɩ n tole, tɩ mam la Abarnabasɩ lebe Zerizalɛm, la mam tarɩ la Atiti lagɩm mĩ.

² Nawẽnnɛ n daan puke pa'alɛ mam, tɩ mam sẽŋɛ. Mam daan pa'alɛ ba la kõ-yẽlga tɩ mam mõolɛ bɔ bu-zãŋsɩ la. La de la Azezi nẽrba nẽŋadõma la mã'a tɩ mam tɔgɛ bɔ ba. Mam daan ka boorɩ tɩ tõon-sɛka tɩ mam daan tõm, dee ken tõnna wã, wa dɛna zãŋa.

³ La Atiti n de Grɛkɩ n dolɩ la mam na, ba põn ka pẽrgɛ yetɩ ba wã ẽ.

⁴ Nẽrba basɛba n daan pã'asɛ tɩ bãma de la Azezi karẽnbiisi, li'ise kẽ tõma tẽŋasʋka bɔɔra tɩ ba bãŋɛ tõma n lagɩm na Azezi-krisi dɛna ayɩla la, tõma n to'oge tɩ mẽŋa se'em, bãma daan boorɩ tɩ ba basɛ tɩ tõma le dɛna la Zifdõma lɔɔ yamsɩ.

⁵ Tõma daan ka sakɛ ban boorɩ se'em na baa fẽfẽe, tɩ kõ-yẽlga n de sɩra la wʋn ken bɔna yãma ĩyã.

⁶ Nẽr-sɛba tɩ ba bɩsrɩ wʋ nẽŋadõma la, ba sãn dɛna nẽŋadõma bɩɩ ba dagɩ nẽŋadõma, la ka pakɛ mam, Nawẽnnɛ ka tũ'usri nẽrba. Nẽŋadõma bãma ka mõrgɛ mam tɩ m ẽŋɛ sɛla sɛla pa'asɛ mam zãsŋɔ la pʋam.

⁷ Ba tõn yẽ tɩ Nawẽnnɛ dɩkɛ kõ-yẽlga la ẽŋɛ la mam nu'usum tɩ m mõolɛ bɔ bu-zãŋsɩ, wʋ ẽn dɩkɛ ẽŋɛ Apɩyɛɛrɩ nu'usum tɩ a mõolɛ bɔ Zifdõma la.

⁸ Nawẽnnɛ n bɔ Apɩyɛɛrɩ pãŋa, tõm ẽ Zifdõma zẽ'am na, ẽŋa n ken bɔ mam pãŋa tɩ mam tõnna bu-zãŋsɩ zẽ'am.

⁹ La Azakɩ, la Apɩyɛɛrɩ, la Azã tɩ ba bɩsrɩ wʋ ba wuu kɛ'ɛndõma la, n bãŋɛ tɩ Nawẽnnɛ n ẽŋɛ mam yel-sõnnɛ dɩkɛ tõonɛ na ẽŋɛ mam nu'usum na, ba yõgɛ mam, la Abarnabasɩ nu'usi mɛ, pa'alɛ tɩ tɩ de la ayɩla lagɩm tõnna Nawẽnnɛ tõoma, tɩ tõma tõnna bu-zãŋsɩ zẽ'am, tɩ bãma mẽ tõnna Zifdõma zẽ'am.

¹⁰ Sɛla tɩ ba daan sose tõma de la tɩ sõŋra ba Wẽndeego la nasdõma mã'a. La de la bɛla tɩ mam daan ɩtɩ zozo'e.

Apolɩ pa'alɛ Apɩyɛɛrɩ a tuure

¹¹ Apɩyɛɛrɩ n daan wa'am Antɩyɔsɩ la, mam daan tɔgɛ ẽ mɛ vẽelga vẽelga ka sakɛ ẽ, se'ere n soe la, a daan ẽŋɛ la sɛla n ka masɛ.

¹² Ẽn daan boe Antɩyɔsɩ la, a daan lagnɩ na bu-zãŋsɩ la dita mɛ. La nẽrba n daan ze'ele Azakɩ zẽ'am wa'am, tɩ a welge ka le dita la bu-zãŋsɩ la, se'ere n soe la, a daan zotɩ la sɛba n yetɩ dẽnɩ tɩ nẽr-sɛba wuu n dolɩ Nawẽnnɛ sore wãta la.

¹³ Tɩ tɩ sɔbiisi basɛba n de Zifdõma daan po ɩta wʋ Apɩyɛɛrɩ n ɩtɩ se'em na, halɩ tɩ Abarnabasɩ mẽ po kẽ ba pʋlibsum ɩrgɔ la pʋam.

¹⁴ La mam n daan yẽ tɩ ban ɩtɩ se'em na ka masɛ wʋ kõ-yẽlga la sɩra n de se'em na ĩyã, mam daan yele Apɩyɛɛrɩ ba wuu nẽŋam yetɩ: «Fõn de Zifu dee daan vɔa wʋ bu-zãŋsɩ n vɔa se'em na, fõn wʋn ẽŋɛ la wãne mõrgra bu-zãŋsɩ la tɩ ba vɔa wʋ Zifdõma?»

¹⁵ La sãn dɛna tõma, tõma dɔgɛ dɛna la Zifdõma, tõma dagɩ bu-zãŋsɩ n ka dolɩ Nawẽnnɛ lɔɔ la.

¹⁶ La tõma mi mɛ tɩ la dagɩ nẽra n dolɩ lɔɔ la n yetɩ se'em na ĩyã, n wʋn basɛ tɩ a masɛ Nawẽnnɛ zẽ'am, la de la nẽra n bɔ Azezi-krisi sɩra mã'a tɩ Nawẽnnɛ wʋn basɛ tɩ a masɛ a zẽ'am. Tõma mẽ bɔ la Azezi-krisi sɩra, tɩ Nawẽnnɛ basɛ tɩ tɩ masɛ a zẽ'am, tõma n bɔ Azezi-krisi sɩra la ĩyã, dee dagɩ tõma n dolɩ lɔɔ la n yele se'em na ĩyã. Nẽra nẽra ka tã wʋn masɛ Nawẽnnɛ zẽ'am, ẽn dolɩ lɔɔ la n yele se'em na ĩyã.

¹⁷ Tõma n te'ege Nawẽnnɛ, tɩ a basɛ tɩ tɩ masɛ a zẽ'am tõma n bɔ Krisi sɩra ĩyã la, bõn-ẽŋa sãn basɛ tɩ tõma mẽ dɛna tõon-be'ero dõma wʋ bu-zãŋsɩ la, yãma tẽ'esɛ tɩ Krisi botɩ tɩ tõnna la tõon-be'ero bɩɩ? Ayɛɩ.

¹⁸ Nẽra sãn basɛ Zifdõma lɔɔ tɩ a daan dolɩ la, dee le yetɩ ba dɔla ẽ, la de la a mẽŋa n sã'anɩ lɔɔ la.

¹⁹ La sãn dɛna lɔɔ la, a botɩ mam lebge la kũm a ĩyã, mam ka le dɔla ẽ. Mam lagɩm na Krisi ki dɔ-puurŋa zuo, tɩ m vɔa Nawẽnnɛ ĩyã,

²⁰ tɩ mam n vɔa wã, la ka le dɛna mam mẽŋa n vɔɩ, la de la Krisi n botɩ mam vɔa. La vɔm sɛka tɩ mam vɔa lɛɛlɛ wã, de la mam n bɔ ẽŋa n de Nawẽnnɛ Dayʋa n nõŋɛ mam ki mam yelle sɩra la, n basɛ tɩ mam vɔa.

²¹ Mam ka sakɛ tɩ Nawẽnnɛ yel-sõnnɛ na de la zãŋa. La sãn dɛna la nẽra n dolɩ lɔɔ ĩyã n basɛ tɩ a masɛ Nawẽnnɛ nẽŋam, Krisi kũm na de nɩ na zãŋa.

« အရင်

နောက်တစ်ခု »

Wycliffe Bible Translators, Inc.

ကြှနျုပျတို့နောကျလိုကျပါ:

ပံ့ပိုးပေးထားသော လင့်ခ်များ

ကြော်ငြာတွေ