အွန်လိုင်း သမ္မာကျမ်းစာ

Amatie 17 - Farefare Ninkaré

Azezi nẽŋa teere
( Amarkɩ 9:2-13 , Aluki 9:28-36 )

¹ Dabsa ayoobɩ n daan tole, tɩ Azezi botɩ Apɩyɛɛrɩ, la Azakɩ, la a yɩbga Azã doose ẽ sẽŋɛ kẽnkɛrŋa ka zom tãn-kãtɛ zuo.

² Tɩ a nẽŋa teege ba nẽŋam, yẽgra wʋ wʋntɛɛŋa la. Tɩ a futo pelge halɩ wʋ peelem na.

³ Tɩ Amoyisi la A'eli puke ba zẽ'am tɔgra la Azezi.

⁴ Tɩ Apɩyɛɛrɩ yele Azezi yetɩ: «M Zuudãana, tõma n boe kalam wã, la ãn sõŋa mɛ. Fʋ sãn bɔɔra, mam wʋn tĩ põnsɩ batã, bɔ fõn ayɩla, bɔ Amoyisi ayɩla, bɔ A'eli ayɩla.»

⁵ La ẽn nãn ken bɔna mĩ tɔgra la, tɩ sawatɛ n yẽgrɩ wa'am wa lile ba. Tɩ kõa ze'ele sawatɛ la pʋam yetɩ: «Ẽna de la mam Dayʋa tɩ mam nõŋɛ la m sũure wuu, a paagɛ la mam yɛm. Selse-ya a yetɔga.»

⁶ La a karẽnbiisi la n wõm bɛla la, tɩ dabeem yõkɛ ba zozo'e, tɩ ba lui dɩkɛ nẽnsɩ võglɛ tẽŋa.

⁷ Tɩ Azezi lɛm kalʋm ba yetɩ: «Isge-ya, da zoe-ya dabeem.»

⁸ Tɩ ba gorge bɩsɛ, ka le yẽ nẽra, sãn dagna Azezi mã'a.

⁹ La ban daan ze'ele tãŋa la zuo sigra la, Azezi kã'an ba yetɩ: «Da yele-ya nẽra sɛla tɩ ya yẽ wã, sãn dagna tɩ Nẽrsaala Dayʋa la wa ki mɛ dee vo'oge.»

¹⁰ Tɩ a karẽnbiisi la soke ẽ yetɩ: «Wãne tɩ lɔɔ karẽnsãandõma yetɩ, dẽnɩ tɩ A'eli wʋn dẽŋɛ Krisi wa'am?»

¹¹ Tɩ Azezi lerge ba yetɩ: «La de la sɩra tɩ A'eli n wʋn dẽŋɛ wa'am wa le malgɛ sɛla woo.

¹² La mam yetɩ ya mɛ tɩ A'eli põn wa'am mɛ, tɩ ba ka bãŋɛ ẽ, dee ẽŋɛ ẽ ban boorɩ se'em. Ba mẽ wʋn nãmsɛ Nẽrsaala Dayʋa la bɛla.»

¹³ Tɩ a karẽnbiisi la yãŋa bãŋɛ tɩ la de la Azã n daan misri nẽrba ko'om pʋam na yelle tɩ a tɔgɛ.

Kinki'ire n tarɩ bia, tɩ Azezi botɩ a yẽ ĩmã'asʋm
( Amarkɩ 9:14-29 , Aluki 9:37-43 )

¹⁴ Ban daan lebe ka paara nẽr-kʋʋŋɔ la zẽ'am na, tɩ bʋraa wa'am wa yigle Azezi nẽŋam,

¹⁵ yele ẽ yetɩ: «M Zuudãana, zoe m dayʋa ninbãalga, a luti la kinki'ire tɩ la nãmsra ẽ zozo'e. La sãn ẽn girge ẽ, a luti la bugum pʋam, bɩɩ ko'om pʋam.

¹⁶ Bɛla tɩ mam tarɩ ẽ wa'am fʋ karẽnbiisi la zẽ'am, la ba ka yãŋɛ botɩ a yẽ ĩmã'asʋm.»

¹⁷ Tɩ Azezi yele ba yetɩ: «Zamãan-ẽna nẽrba, ya ka bɔ'ɔrɩ mam sɩra, la ya ka ɩtɩ sõŋa. Mam wʋn bɔna la yãma, mã'agɛ m mẽŋa halɩ ka paagɛ la wakat-kãna? Tarɩ-ya bia la wa'am.»

¹⁸ La Azezi daan tãsɛ kʋlkã'arga la mɛ, tɩ a yese dee basɛ bia la, tɩ a yẽ ĩmã'asʋm bilam mẽŋa.

¹⁹ Tɩ karẽnbiisi la sẽŋɛ Azezi zẽ'am bãma mã'a, ka soke ẽ yetɩ: «Bẽm tɩ tõma ka yãŋɛ dige kʋlkã'arga la tɩ a yese?»

²⁰ Tɩ a lerge ba yetɩ: «Yan ka bɔ sɩra zo'oge la ĩyã. Mam yetɩ ya la sɩra sɩra, tɩ yãma n bɔ mam sɩra la, sãn ãna baa pɩka wʋ sɔ'ɔrɔ biire la, ya tã wʋn yele tãn-ẽna yetɩ: ‹Vurge sẽŋɛ ke›, la a wʋn ẽŋɛ la bɛla. La sɛla ka boe tɩ ya kãn tã'agɛ ẽŋɛ. [

²¹ La de la pʋ'ʋsgɔ, la nõorlʋa mã'a tɩ ya wʋn yãŋɛ dige kʋlkã'ar-ẽŋa buuri.]»

Azezi le tɔgɛ a kũm, la a vo'ore yelle
( Amarkɩ 9:30-32 , Aluki 9:43-45 )

²² Daarɛ ayɩla tɩ Azezi la a karẽnbiisi la lagɩm bɔna Galile, tɩ a yele ba yetɩ: «Ba wʋn dɩkɛ Nẽrsaala Dayʋa la ẽŋɛ la nẽrba nu'usum,

²³ tɩ ba kʋ ẽ. La dabsa atã daarɛ a wʋn vo'oge mɛ.» Ẽn yele bɛla la, tɩ ba sũure sã'am zozo'e.

Wẽnde-kãtɛ lampo yʋa yelle

²⁴ Azezi la a karẽnbiisi la daan paagɛ la Kapɛrnaʋm tẽŋa, tɩ Wẽnde-kãtɛ la lampo-tɔ'ɔsrɩba sẽŋɛ ka soke Apɩyɛɛrɩ yetɩ: «Ya karẽnsãama la yɔɔrɩ Wẽnde-kãtɛ la lampo mɛ bɩɩ?»

²⁵ Tɩ a lerge yetɩ: «Ẽe, a yɔɔra.» Tɩ Apɩyɛɛrɩ kule yire, tɩ Azezi dẽŋɛ soke ẽ yetɩ: «Asimõ, fõn tẽ'esrɩ tɩ dũnia wã na'adõma to'osrɩ ba lampo la ãndõma zẽ'am? Tẽŋa dõma zẽ'am bɩɩ, sɛba n de sãama la zẽ'am?»

²⁶ Tɩ Apɩyɛɛrɩ yetɩ: «Sãama zẽ'am.» Tɩ Azezi yele ẽ yetɩ: «Bɛla, tẽŋa la dõma nẽŋa ka boe mĩ.

²⁷ La tõma n ka boorɩ tɩ tɩ sã'am ba sũure la ĩyã, sẽŋɛ ka lobge zũmbãŋa mõgrɛ pʋam, fõn yõkɛ zũn-sɛka yiɛn na, fʋ ya'agɛ a nõorɛ, tɩ fʋ wʋn yẽ lag-kõbrɛ, dɩkɛ sẽŋɛ ka yɔ mam, la fõn ĩyã.»

« အရင်

နောက်တစ်ခု »

Wycliffe Bible Translators, Inc.

ကြှနျုပျတို့နောကျလိုကျပါ:

ပံ့ပိုးပေးထားသော လင့်ခ်များ

ကြော်ငြာတွေ