အွန်လိုင်း သမ္မာကျမ်းစာ

2 Korẽntɩ 3 - Farefare Ninkaré

Nõor-bĩŋre paalga tõntõnɩba

¹ Yãma tẽ'esɛ tɩ tõma boorɩ tɩ tɩ pẽgɛ la tɩ mẽŋa bɩɩ? Bɩɩ tõma boorɩ tɩ tɩ bɔ ya la gõnnɔ n pa'alɩ tõma n ãn sõŋa se'em, bɩɩ tõma boorɩ la ya gʋlsɛ gõnnɔ n pa'alɩ tõma n ãn se'em bɔ tɔ, wʋ nẽrba basɛba n ɩtɩ se'em na?

² Yãma mẽŋa n de tõma gõŋɔ n gʋlsɛ tõma sũure pʋam, tɩ nẽrba wuu mina dee karẽŋra ẽ.

³ La de la vẽelga tɩ yãma de la Krisi gõŋɔ tɩ a doose tõma tõoma pʋam gʋlsɛ. La dagɩ gʋlsgɔ ko'om n gʋlsɛ, la de la Nawẽnnɛ n vɔa la Sɩa n gʋlsɛ. La ka gʋlsɛ kug-palagsɩ zuto, la gʋlsɛ la nẽrsaalba sũa pʋam.

⁴ Tõma n tɔgrɩ bɛla la, tõma mi sõŋa sõŋa tɩ bõn-ẽŋa de la sɩra Nawẽnnɛ zẽ'am, Azezi-krisi ĩyã.

⁵ La ka boorɩ tɩ la yetɩ tõma tã wʋn tõm tõon-ẽŋa la tõma mẽŋa pãŋa, tõma pãŋa ze'ele la Nawẽnnɛ zẽ'am.

⁶ La de la ẽŋa n botɩ tõma tã'agɛ dɛna a nõor-bĩŋre paalga la tõntõnɩba. La dagɩ lɔɔ n gʋlsɛ, la de la Nawẽnnɛ Sɩa. Lan de se'em na, lɔɔ n gʋlsɛ la sẽm na kũm, la Nawẽnnɛ Sɩa la bɔ'ɔrɩ la vɔm.

⁷ Lɔɔ la yʋʋn gʋlsɛ la kug-palagsɩ zuto, tɩ Nawẽnnɛ na'am pãŋa peelem nẽegɛ wakatɛ ẽŋa, tɩ Amoyisi nẽŋa nẽegɛ yẽgra, tɩ Ɩsrayɛlɩ dõma ka tãna wʋn bɩsɛ ẽ. La na'am pãŋa la yʋʋn tollɩ mɛ. Lɔɔ la n sẽm na kũm na n yʋʋn puke la na'am pãŋa bɛla la,

⁸ Nawẽnnɛ Sɩa n tõnnɩ tõon-sɛka la, wʋn tara na'am pãŋa gãnna bɛla mɛ zozo'e.

⁹ Tõon-sɛka n sẽm na sɩbgrɛ la n yʋʋn tarɩ na'am pãŋa la, bɛla, tõon-sɛka n botɩ nẽrba masra Nawẽnnɛ zẽ'am na tarɩ na'am pãŋa gãnna bɛla mɛ zozo'e.

¹⁰ Tõma tã wʋn põn yetɩ na'am pãn-sɛka n yʋʋn boe la lebge la zãŋa, se'ere n soe la, sɛka n boe lɛɛlɛ wã gãnnɩ ẽ mɛ zozo'e.

¹¹ Bɛla, sɛla n yʋʋn tollɩ la n tarɩ na'am pãŋa la, sɛla n boe wakatɛ wuu la n tarɩ na'am pãŋa zo'oge gãnna bɛla.

¹² Tõma n tarɩ pʋtẽ'e-ẽŋa gu'ura la ĩyã, tõma tarɩ bʋraanɛ zo'oge mɛ.

¹³ Tõma ka ɩtɩ wʋ Amoyisi n yʋʋn dɩkɛ tãnnɛ pĩ a nẽŋa tɩ Ɩsrayɛlɩ dõma da yẽ na'am pãŋa n nẽegɛ a nẽŋa n tollɩ la.

¹⁴ La Ɩsrayɛlɩ dõma la yɛm yʋʋn ka like. Halɩ wakat-ẽŋa wa paam lɛɛlɛ wã, ba sãn karẽŋra nõor-bĩŋre kɛka gõŋɔ la, tãnnɛ na ken pĩ ba nẽnsɩ mɛ, tɩ ba ka bɔkra a võorɛ. Tãn-ẽŋa ka pilgri, sãn dagna Krisi peelem pʋam mã'a.

¹⁵ Asɩra, wakat-ẽŋa tarɩ wa paam zĩna, ba sãn karẽŋra Amoyisi gõnnɔ la, tãnnɛ na ken pĩ ba yɛm mɛ.

¹⁶ La nẽra sãn teege yɛm lebe Zuudãana la zẽ'am, tãnnɛ na pilgri mɛ.

¹⁷ Ban yetɩ Zuudãana la, la de la Sɩa la. La Zuudãana Sɩa la n boe zẽ'a la, to'og-m-mẽŋa boe la bilam.

¹⁸ Tõma wuu n dolɩ Zuudãana Azezi la, tãnnɛ na pilge mɛ, tɩ tõma nẽnsɩ yẽgra la Zuudãana na'am pãŋa. Tɩ Zuudãana Sɩa tɛɛra tõma, tɩ tõma ãna wʋ ẽŋa n ãn se'em na, tɩ na'am pãŋa la pa'asra zɔ'ɔra.

« အရင်

နောက်တစ်ခု »

Wycliffe Bible Translators, Inc.

ကြှနျုပျတို့နောကျလိုကျပါ:

ပံ့ပိုးပေးထားသော လင့်ခ်များ

ကြော်ငြာတွေ