အွန်လိုင်း သမ္မာကျမ်းစာ

1 Zã 3 - Farefare Ninkaré

Nawẽnnɛ kɔma

¹ Bɩsɛ-ya Nawẽnnɛ n de Sɔ la n nõŋɛ tɩ se'em. A nõŋlʋm na zo'oge gãŋɛ mɛ, tɩ a wi'ira tõma tɩ a kɔma. La tõma sɩrɩ de la a kɔma. Wãna n soe tɩ dũnia dõma ka mina tõma: La de la ban ka mi Nawẽnnɛ na ĩyã.

² M sɩr-nõŋrɩsɩ, lɛɛlɛ wã tɩ de la Nawẽnnɛ kɔma. La tɩn wʋn wa ãna se'em na nãn ka puke. La tɩ mi tɩ Krisi sãn wa puke, tɩ wʋn ãna wʋ ẽŋa n ãn se'em na, tɩn wʋn wa yẽ ẽŋa n ãn se'em na ĩyã.

³ Nẽr-sɛka woo n tarɩ pʋtẽ'erɛ gu'ura bõn-ẽŋa Krisi ĩyã, malgrɩ a mẽŋa mɛ dɛna pʋpeelem dãana, wʋ Azezi-krisi mẽŋa n de pʋpeelem dãana se'em na.

⁴ Nẽr-sɛka woo n tõnnɩ tõon-be'ero, a sɩ'ɩsrɩ la Nawẽnnɛ nõorɛ. Se'ere n soe la, tõon-be'ero de la Nawẽnnɛ nõorɛ sɩ'ɩsgɔ.

⁵ La yãma mi tɩ Azezi-krisi wa'am tɩ a yese la nẽrba tõon-be'ero basɛ, la a mẽŋa ka tarɩ tõon-be'ero.

⁶ Nẽr-sɛka n lagɩm na Krisi bɔna ka tõnnɩ tõon-be'ero. La sɛka n tõnnɩ tõon-be'ero ka yẽ ẽ, la a ka bãŋɛ ẽ.

⁷ M kɔma, da basɛ-ya tɩ nẽra pã'asɛ ya. Sɛka n ɩtɩ sɛla n masɛ, de la nẽra n masɛ, wʋ Azezi mẽŋa n masɛ se'em na.

⁸ Sɛka n tõnnɩ tõon-be'ero de la Asũtãana nẽra, se'ere n soe la, Asũtãana tõnnɩ tõon-be'ero la halɩ pĩ'iluŋo. Tɩ Nawẽnnɛ Dayʋa la wa'am tɩ a sã'am Asũtãana tõoma.

⁹ Sɛka n de Nawẽnnɛ bia ka le tõnna tõon-be'ero, se'ere n soe la, Nawẽnnɛ pãŋa n bɔ'ɔrɩ vɔm n boe a pʋam, a ka le tãna wʋn tõnna tõon-be'ero, Nawẽnnɛ n de a Sɔ la ĩyã.

¹⁰ Bɛla n pa'alɩ tɩ ba bãŋra Nawẽnnɛ kɔma, la sɛba n de Asũtãana kɔma bɔkra. Sɛka n ka ɩtɩ sɛla n masɛ, bɩɩ sɛka n ka nõŋɛ a sɔbia dagɩ Nawẽnnɛ bia.

Tɩ nõŋɛ taaba

¹¹ Kõ-yẽlga tɩ ya wõm halɩ pɔspɔsɩ la de la tɩ nõŋɛ-ya taaba.

¹² La ka de tɩ ãna wʋ Akãɩ la, ẽŋa de la Asũtãana nẽra, yʋʋn kʋ a yɩbga. La bẽm n soe tɩ a yʋʋn kʋ ẽ? La de la a tõoma n yʋʋn de tõon-be'ero, dee tɩ a yɩbga tõoma masɛ la ĩyã.

¹³ Bɛla m sɔbiisi, dũnia nẽrba sãn sisra ya, da kãn basɛ-ya tɩ la dɛna sɛla n di'ige ya.

¹⁴ Tõma mi mɛ tɩ tõma ze'ele la kũm pʋam yese bɔna vɔm pʋam, tõma n nõŋɛ tɩ sɔbiisi la ĩyã. Nẽr-sɛka n ka nõŋɛ a sɔbia ken bɔna la kũm pʋam.

¹⁵ Nẽr-sɛka woo n sisri a sɔbia de la nẽr-kʋʋra. La ya mi tɩ nẽr-kʋʋra ka tarɩ vɔm n ka ba'asrɩ.

¹⁶ La de la bõn-ẽna wã n botɩ tõma bãŋɛ nõŋlʋm n ãn se'em: Azezi ki mɛ bɔ tõma, bɛla, tõma mẽ de la tɩ dɩkɛ tɩ vɔm bɔ tɩ sɔbiisi ĩyã.

¹⁷ Nẽra sãn tara dũnia wã bõntarsõm, dee yẽ a sɔbia n boorɩ sõŋrɛ, ka zoe a ninbãalga sõŋɛ ẽ, ẽŋa dãana ka tarɩ Nawẽnnɛ nõŋlʋm.

¹⁸ M kɔma, da basɛ-ya tɩ tɩ nõŋlʋm dɛna yetɔga, la nõ-yẽlʋm mã'a, tɩ basɛ tɩ la dɛna nõŋlʋm sɩra sɩra n lagɩm na tõoma.

¹⁹ Bɛla n wʋn basɛ tɩ tɩ bãŋɛ tɩ tõma de la sɩra dõma, la tɩ sũure wʋn ãna ke'eŋo Nawẽnnɛ nẽŋam.

²⁰ Baa tɩ sũure sãn ka bɔ tɩ bʋʋrɔ, tɩ bãŋɛ tɩ Nawẽnnɛ gãnnɩ tɩ sũure mɛ, la a mi sɛla woo bɔkɛ mɛ.

²¹ M kɔm-nõŋrɩsɩ, tɩ sũure sãn bɔ tɩ bʋʋrɔ, tɩ tarɩ sũ-ke'eŋo Nawẽnnɛ nẽŋam mɛ,

²² la bõn-sɛka wuu tɩ tɩ sosrɩ ẽ, a bɔ'ɔrɩ tɩ mɛ, tõma n sakrɩ a nõorɛ, dee ɩta sɛla n paarɩ a yɛm na ĩyã.

²³ Ẽŋa n bɔ a nõorɛ se'em n wãna: La de la tɩ bɔ a Dayʋa Azezi-krisi sɩra, dee nõŋɛ taaba wʋ ẽŋa n bɔ tɩ a nõorɛ se'em na.

²⁴ Nẽr-sɛka n sakrɩ Nawẽnnɛ nõorɛ la, a boe la Nawẽnnɛ lɛ, tɩ Nawẽnnɛ mẽ bɔna la ẽ. Bõn-sɛka n basɛ tɩ tõma mina tɩ Nawẽnnɛ boe la tõma lɛ n wãna: La de la a Sɩa tɩ a bɔ tõma la.

« အရင်

နောက်တစ်ခု »

Wycliffe Bible Translators, Inc.

ကြှနျုပျတို့နောကျလိုကျပါ:

ပံ့ပိုးပေးထားသော လင့်ခ်များ

ကြော်ငြာတွေ