အွန်လိုင်း သမ္မာကျမ်းစာ

1 Zã 1 - Farefare Ninkaré

Azezi n de yetɔga n bɔ'ɔrɩ vɔm

¹ Tõma gʋlsɛ la sɛka n boe halɩ pĩ'iluŋo wakatɛ yelle bɔ'ɔra ya. A de la sɛka tɩ tõma wõm a yetɔga, yẽ ẽ la tɩ nini, bɩsɛ ẽ sõŋa sõŋa, kalʋm ẽ na tɩ nu'usi. Ẽŋa n de yetɔga n bɔ'ɔrɩ vɔm.

² Sɛka n de vɔm na puke a mẽŋa mɛ, tɩ tõma yẽ ẽ. Tɩ tõma tɔgra a yelle, mõola vɔm n ka ba'asrɩ la yelle bɔ'ɔra ya. A daan boe la tɩ Sɔ Nawẽnnɛ zẽ'am, tɩ a puke ẽ pa'alɛ tõma.

³ Sɛla tɩ tõma yẽ dee wõm na, tõma tɔgrɩ la ẽŋa bɔ'ɔra yãma, tɩ yãma wʋn lagɩm na tõma, mẽ naagɛ la tõma tara lagɩmtaarɛ la tɩ Sɔ Nawẽnnɛ, la a Dayʋa Azezi-krisi.

⁴ Tõma gʋlsɛ ya la wãna tɩ tɩ wʋn tara sũ-yẽlga zozo'e.

Tɩ vɔa pʋpeelem pʋam wʋ Nawẽnnɛ n ãn se'em na

⁵ Kõa n wãna tɩ tõma wõm Azezi-krisi zẽ'am, tɔgra ẽ bɔ'ɔra ya: Nawẽnnɛ de la peelem, lika ka boe a zẽ'am baa fẽfẽe.

⁶ Tɩ sãn yetɩ tõma tarɩ lagɩmtaarɛ la Nawẽnnɛ, dee ken vɔa lika pʋam tõnna be'em, tɩ parnɩ mɛ, tɩ ka ɩtɩ sɩra.

⁷ La tɩ sãn vɔa peelem pʋam wʋ Nawẽnnɛ mẽŋa n boe peelem pʋam na, tɩ tarɩ lagɩmtaarɛ la taaba mɛ, la a Dayʋa Azezi zɩɩm peerɩ tɩ mɛ yɛsra tɩ tõon-be'ero wuu.

⁸ La tɩ sãn yetɩ, tõma ka tarɩ tõon-be'ero, tɩ pã'asɛ la tɩ mẽŋa, la sɩra ka boe tɩ zẽ'am.

⁹ Tɩ sãn pelge tɩ pʋʋrɛ tɔgɛ tɩ tõon-be'ero, Nawẽnnɛ wʋn basɛ tɩ tõon-be'ero taalɛ mɛ, dee peege to, yese sɛla wuu n ka masɛ, se'ere n soe la, a de la sɩra dãana dee ɩta sɛla n masɛ.

¹⁰ Tɩ sãn yetɩ, tõma ka tõm tõon-be'ero, tɩ yetɩ a de la põmpɔrma, la a yetɔga la ka boe la tɩ lɛ.

« အရင်

နောက်တစ်ခု »

Wycliffe Bible Translators, Inc.

ကြှနျုပျတို့နောကျလိုကျပါ:

ပံ့ပိုးပေးထားသော လင့်ခ်များ

ကြော်ငြာတွေ