အွန်လိုင်း သမ္မာကျမ်းစာ

1 Korẽntɩ 8 - Farefare Ninkaré

Baga nẽnnɔ yelle

¹ La sãn dɛna bõn-sɛba tɩ ba dɩkɛ kãabɛ bɔ baga la nẽnnɔ yelle, tɩ mi tɩ tɩ wuu tarɩ bãŋrɛ mɛ, wʋ yãma n yele se'em na. La bãŋrɛ botɩ nẽra zẽkra la a mẽŋa. La nõŋlʋm sõŋrɩ nẽrba mɛ.

² Nẽr-sɛka sãn tẽ'esɛ tɩ ẽŋa mi sɛla, a ken ka mina wʋ lan masɛ tɩ a mina se'em.

³ La nẽra sãn nõŋɛ Nawẽnnɛ, Nawẽnnɛ mi ẽ mɛ.

⁴ Bɛla, la sãn dɛna baga nẽnnɔ na yelle, tɩ mi tɩ baga de la sɛla n de zãŋa dũnia wã zuo, dee ken mina tɩ Nawẽnnɛ ayɩla mã'a n boe.

⁵ Bõndõma n boe saazuum bɩɩ tẽŋa zuo, tɩ nẽrsaalba wi'iri tɩ wẽna. Asɩra, bõndõma zozo'e n boe tɩ nẽrsaalba wi'iri tɩ wẽna, bɩɩ zuudãandõma.

⁶ La tõma mi tɩ Nawẽnnɛ ayɩla n boe dɛna tɩ Sɔ n nãam sɛla woo, la ẽŋa ĩyã tɩ tɩ vɔa. La tõma ken mina tɩ Zuudãana ayɩla mã'a n boe, a de la Azezi-krisi, la doose la ẽŋa tɩ sɛla woo bɔna, la ken doose la ẽŋa tɩ tɩ tara vɔm.

⁷ La, la dagɩ nẽra woo n mi wãna. Nẽrba basɛba malʋm baga mɛ, tɩ halɩ la zĩna ba sãn obe baga nẽnnɔ, ba ken tẽ'esra a yelle mɛ tɩ la sɩrɩ de la baga dia. La ban ka mi Nawẽnnɛ sore yɛla sõŋa la, ba tẽ'esrɩ ba sũure pʋam tɩ ba ẽŋɛ la be'em.

⁸ La dagɩ dia n wʋn botɩ tɩ lɛm Nawẽnnɛ. Tɩ sãn ka di, sɛla ka pɔ'ɔrɩ tɔ, la tɩ sãn di, a ka pa'asrɩ tɩ sɛla.

⁹ La guuse ya mẽŋa, tɩ yan tarɩ nõorɛ dita sɛla woo la, da basɛ tɩ nẽr-sɛba n ka tarɩ pãŋa Nawẽnnɛ sore doosgo pʋam na tõm tõon-be'ero.

¹⁰ Nẽr-sɛka n ka mi Nawẽnnɛ sore yɛla sõŋa la, sãn yẽ fõn tarɩ bãŋrɛ la n zĩ baga kãabgɔ zẽ'am ɔbra nẽnnɔ, la wʋn pã'asɛ ẽ tɩ a mẽ obe la baga nẽnnɔ.

¹¹ Bɛla, fõn bãŋrɛ la wʋn basɛ tɩ nẽr-ẽŋa n ka tarɩ pãŋa Nawẽnnɛ sore doosgo pʋam na sã'am mɛ, a de la fʋ sɔbia tɩ Krisi ki a ĩyã.

¹² Fʋ sãn tõm tõon-be'e-ẽna sã'am fʋ sɔbia n ka mi Nawẽnnɛ sore yɛla sõŋa pʋtẽ'erɛ, fʋ ẽŋɛ la Krisi be'em.

¹³ Bɛla, la sãn dɛna dia n wʋn basɛ tɩ mam sɔbia tõm tõon-be'ero, mam kãn le malɩn di ẽ, tɩ m da basɛ tɩ m sɔbia tõm tõon-be'ero.

« အရင်

နောက်တစ်ခု »

Wycliffe Bible Translators, Inc.

ကြှနျုပျတို့နောကျလိုကျပါ:

ပံ့ပိုးပေးထားသော လင့်ခ်များ

ကြော်ငြာတွေ