Salmos 70 - Tupàn zeꞌeg

Tupàn purupytywà haw henoz taw

Zegar haw Tawi hemiapo kwer

¹ O Tupàn, hepyro pe nehe. Hepytywà pe kury, Tupàn Tuweharupi Wiko Ma'e.

² Tuwe amo weityk Herehe ipuruzuka wer ma'e paw a'e wà nehe. Tuwe uzeapo ikàg 'ym ma'e romo wà nehe. Tuwe hema'erahy rehe hurywete ma'e uzàn umaranugar romo wà nehe.

³ Tuwe herehe uze'eg urywahyahy ma'e U'ar iaiw paw pupe wà nehe. Tuwe he'o ma'e romo uzeapo wà nehe no.

⁴ Tuwe nemuwete har paw hurywete wà nehe. Tuwe hurywete katu wà nehe. Tuwe nepurupytywà haw iamutar katu har uze'eg nezewe tuweharupi wà nehe. — Uhua'u tuwe Tupàn a'e, tuwe i'i wà nehe.

⁵ Aiko hemetarer 'ym ma'e romo ihe. Naheta kwaw ma'e ihewe, o Tupàn. Ereiko hepytywà har romo. Hepyro har romo ereiko. Neàrew zo hepytywà mehe nehe, o Tupàn Tuweharupi Wiko Ma'e.