Salmos 61 - Tupàn zeꞌeg

Ikàgaw Tupàn rehe we

Zegar haw Tawi hemiapo kwer

¹ O Tupàn herenu pe hezai'oahy mehe nehe. Einu newe heze'egaw nehe.

² Aiko muite hereko haw wi iaiw haw inuromo ihe. Aenoz hepytywà àwàm iteko ihe. Hereraha pe amo hemim àwàm me nehe.

³ Ta'e ereiko herehe uzekaiw ma'e romo ne xe. Ereiko hepyro har ikàg ma'e heàmàtyry'ymar wanuwi.

⁴ Tuwe aiko neràpuzuhu pupe he'ar nànàn nehe. Nezewe mehe erezekaiw katu putar herehe nehe, wiràmiri upepo iwy pe umemyr wanehe izekaiw haw ài nehe.

⁵ O Tupàn, erenu heremiapo ràm heremimume'u kwer. Eremono neze'egatu nereruzar har newi ukyze ma'e wanehe. Agwer ma'e eremur herehe no.

⁶ Eremumaw kar kwarahy tetea'u tuwihawete pe nehe. Tuwe umumaw kwarahy tetea'u wiko pà nehe.

⁷ O Tupàn, tuwe eremono neze'egatu hehe tuweharupi tuwihawete romo heko mehe nehe. Ezekaiw katu hehe nepuruamutar haw inuromo nehe, teko wanuwi netyryk 'ymaw inuromo nehe no.

⁸ Nezewe mehe amuzàg putar nekatu haw rehe zegar haw tuweharupi ihe nehe. Tuweharupi amono putar ma'e newe heremimume'u kwer rupi katete ihe nehe.