Salmos 128 - Tupàn zeꞌeg

Tupàn umekuzar weruzar har wà

¹ Hurywete Tupàn Tuweharupi Wiko Ma'e wi ukyze ma'e a'e, Hemimutar rupi wiko ma'e a'e.

² Aze ereiko izàwe nehe, neremimono'og ràm uhyk putar newe nehe. Nerurywete putar nehe no. Ikatu ma'e uzeapo putar newe nehe.

³ Nereko haw pe neremireko wiko putar uwà 'yw i'a tetea'u ma'e ài newe nehe. Nera'yr nuzawy kwaw uri tyw ipyahu ma'e ywyrapew nemai'u mehe har izywyr wà nehe.

⁴ Tupàn Tuweharupi Wiko Ma'e wi ukyze ma'e Wiko putar nezewe azeharomoete nehe, ze'egatu ipyhyk pà nehe.

⁵ Tuwe Tupàn Tuweharupi Wiko Ma'e Xiàw ywytyr rehe har Umur uze'egatu nerehe nehe. Tuwe ne'ar nànàn erexak Zeruzarez ikàg wera'u haw nehe no.

⁶ Tuwe erexak neremimino ne wà nehe. Tuwe zeàmàtyry'ym 'ymaw teko Izaew izuapyapyr wanehe tuz a'e nehe.