Salmos 120 - Tupàn zeꞌeg

Upytywà àwàm henoz taw Tupàn pe

¹ Hezemumikahy mehe aze'eg Tupàn Tuweharupi Wiko Ma'e pe ihe, hepytywà àwàm henoz pà ihe. Uwazar heze'eg ihewe a'e.

² O Tuweharupi Wiko Ma'e, hemunyryk kar pe Hemu'em ma'e wanuwi nehe, hemu'em tuwe ma'e wanuwi nehe.

³ Pe hemu'em ma'e pe. Ma'e Tupàn uzapo putar peme a'e nehe. Ma'e uzapo putar penehe uzepyk pà nehe.

⁴ Upyro putar u'yw haime ma'e amo zauxiapekwer wi nehe. Pezywà putar ipupe penehe uzepyk pà nehe. Upyhyk putar tàtàpyzgwer imono pà penehe nehe, penehe uzepyk pà nehe.

⁵ Peinuromo hereko haw upuraraw kar ma'erahy ihewe Mezek ywy rehe hereko haw ài, Kenar ywy rehe hereko haw ài.

⁶ Amumaw kwarahy tetea'u amo teko wainuinuromo ihe. A'e teko na'iakatuwawahy kwaw puruàmàtyry'ym 'ymaw rehe wà.

⁷ Zeàmàtyry'ym 'ymaw rehe heze'eg mehe, — Uruputar zeàmàtyry'ymawhu, i'i a'e teko wà.