Jó 25 - Tupàn zeꞌeg

Minaz uze'eg na'iruz haw rupi kury 25:1-6 Aipo amo teko wiko kateteahy Tupàn huwarupi

¹ Minaz uze'eg putar a'e nehe kury.

² Tupàn upuner katu a'e. Tuwe teko ukyze izuwi wà nehe. Omono zeàmàtyry'ym 'ymaw ywak rehe.

³ Aipo amo upapar heko haw pe har wà. Tupàn hatainy uhyape katu teko nànàn a'e. Aipo heta amo teko izuwi uzeàmim ma'e wà.

⁴ Aipo amo upuner ikatu ma'e romo weko haw rehe Tupàn henataromo wà. Aipo amo teko umàno ma'e ràm upuner zepykaw wi uzepyro haw rehe wà.

⁵ — Zahy nuhyape katu kwaw, i'i Tupàn. — Heta ikatu 'ymaw zahytata wanehe, i'i.

⁶ Ma'e za'e putar teko wanupe. Nuzawy kwaw meru wà. Nuzawy kwaw amirikur Tupàn henataromo wà. Màràzàwe tuwe mo uzekaiw wanehe.