SALMOS 70 - Biblia Guarani Tumpa IñeeSALMO 70 Yerure yeyora regua ( Sal 40.13-17 ) 1 CheRu Tumpa, ¡eyu chereepɨ! CheRu Tumpa, ¡eyu jarembae chemborɨ! 2 ¡Toñemomarai jare tijopa chereeka cheyuka vaerä vae reta! ¡Toyerova ye jaɨkue kotɨ imara reve, ikavimbae oipota oyapo cheve vae reta! 3 ¡Cheyóyai yóyai vae reta timara toyerova ye! Jókuae opuka puka cheré vae reta. 4 Ërei tovɨakatu jare toyerovia nderé opaete jókuae ndereeka vae; oaɨu ndeporogüɨroasayepe vae reta, tei: “¡Tumpa tuicha yae ko!” 5 Che chepɨatɨtɨ jare cheporiau yae, cheRu Tumpa, ¡eyu jarembae chemborɨ! Nde ko jae chemborɨ jare chereepɨ vae. ¡CheYa Tumpa, agüɨye ndepɨaguasu! |
Biblia DC Guaraní Bolivia © Bolivian Bible Society, 2001.
Bolivian Bible Society