SALMOS 15 - Biblia Guarani Tumpa Iñee

SALMO 15 Tumpa iɨvɨtɨ oñeñono tee vae pe yogüɨrekota vae

¹ CheYa, ¿kia pa oikota ndetupao pe? ¿Kia pa oikota ndeɨvɨtɨ oñeñono tee vae pe?

² Jaeño, oiko jupi rupi vae jare oyapo ikavi vae; imiari añetegüe ipɨa jupi reve kavi vae.

³ Mbaetɨ iñee ndaye pota vae, mbaetɨ oyapo ikavimbae japicha pe vae, mbaetɨ jei mbae jëta-ɨpɨ pegua pe vae;

⁴ omotareɨ omae, oñemotareɨuka vae re vae, ërei güɨnoi mboromboete jókuae Tumpa güi oipoɨu vae re; ombopo avei iñee, yepe tëi yavai, mbaetɨ oipoepɨ iyemongeta.

⁵ Mbaetɨ ikorepoti oiporuka vae pe oasa ete okovara vae; mbaetɨ oipɨɨ vɨari korepoti jekombae vae regua vae. Jökorai oiko vae, oiko kavi aveita.