SALMOS 125 - Biblia Guarani Tumpa Iñee

SALMO 125 Tumpa oyangareko imbae vae reta re

¹ YandeYa re oyeko vae reta, ɨvɨtɨ Sión rami ko, mbaetɨ omɨi, oï avei jenda pe.

² Jerusalén güɨnoi iyɨ́vɨri ɨvɨtɨ reta, jökorai ko yandeYa oï imbae reta iyɨ́vɨri, añave güive jekuae avei rupi.

³ Jeko kavimbae reta ngaraa yogüɨreko avei mburuvicharä Tumpa omee ɨvɨ jae imbae vae reta pe vae pe, echa jökorai yave imbae vae reta omboɨpɨta ko oyapo ikavimbae.

⁴ CheYa Tumpa, eyapo ikavi vae kuimbae jeko kavi vae reta pe, jare ipɨa jupi vae reta pe;

⁵ ërei opia teko ikavimbae rupi vae reta, yandeYa güɨrajata jeko ikavimbae reta ndive. ¡Mbɨakatu toï Israel pe!