SALMOS 101 - Biblia Guarani Tumpa IñeeSALMO 101 Ñererökuavee sɨmbi rupi oiko vaerä 1 Tatairari mboroparareko jare jupi vae regua; cheYa, tatairari ndeve; 2 taikuaa kërai sɨmbi rupi taiko, reyu chépɨri yave. Sɨmbi rupi kavi taiko chero pe; 3 agüɨye tamae mbae jupimbae re. Aröɨro, jupimbae Tumpa kotɨ vae reta; ¡ngaraai amaeño oya reta cheré! 4 Tambosɨrɨ cheyeugüi yemongeta ikavimbae, ¡agüɨye taikuaa jeko kavimbae vae! 5 Amokañɨteita jókuae japicha omoërakua pɨ̈chɨi vae; ¡mbaetɨta chepɨaguasu jókuae ipɨayemboete jare iyembotuicha vae pe! 6 Amaeta jupi yogüɨreko vae re, yogüɨreko vaerä che ndive; jupi rupi yogüɨreko vae reta oyeokuaita cheve. 7 Iporombotavɨse vae ngaraa oiko chero pe; ¡metei ave iyapu vae ngaraa oiko cheróvai! 8 Ndeimbove ñavo opata amboai ɨvɨ güi iyoa vae reta, ¡opata amokañɨtei yandeYa jëta guasu güi ikavimbae iyapoa reta! |
Biblia DC Guaraní Bolivia © Bolivian Bible Society, 2001.
Bolivian Bible Society