2 Tesalonicenses 1 - Biblia Guarani Tumpa Iñee

Tamaraeme

¹ Che Pablo. Silvano jare Timoteo, roikuatía kuae tupapire opaete peporogüɨrovia vae Tesalonicaɨgua reta, peï yandeRu Tumpa jare yandeYa Jesucristo re vae pe.

² YandeRu Tumpa jare yandeYa Jesucristo ipɨakavi jare ipɨakatu toï pe ndive.

Tumpa ojäata iyoa vae reta Cristo ou ye yave

³ Cherɨvɨ reta, jupi ko romee avei vaerä yasoropai Tumpa pe peré, echa peporogüɨrovia okuakuaa avei ojo oiko, jare peporoaɨu jeiete okuakuaa vi oyokotɨ.

⁴ Jáeramo ore oremiari kavi peré ïru oporogüɨrovia Tumpa re vae pe, pepɨaguasu, peporogüɨrovia jare peropɨa opaete tembiporara reta vae re.

⁵ Kuae oechauka kërai Tumpa iporojäa jupi vae ko, jökorai jupi ko pe reta peike vaerä jae iporookuaía pe. Jókuae re ko añave peiporara peï.

⁶ Echa jupi ko Tumpa oiporarauka vaerä jókuae oiporarauka peve vae reta pe,

⁷ jare pe reta peiporara vae jae omeeta peve mbutuu ore ndive, yandeYa Jesús oyekuaa ara güi yave imbaepuere pegua araɨgua reta ndive.

⁸ Yogüeruta tata jendɨ vae re, oiporarauka vaerä mbaetɨ Tumpa oikuaa vae reta pe, ani ñäteɨ oendu ñee ikavi vae yandeYa Jesucristo regua vae reta pe.

⁹ Jae reta oiporara yaeta ko kañɨtei opambae vae pe, yandeYa ombosɨrɨ retata mombɨrɨ iyeugüi jare imbaepuere iyemboetea güi,

¹⁰ yandeYa ou ye yave oyemboeteuka vaerä jare omopɨakañɨ opaete jese güɨrovia reta; echa perovia romombeu peve vae.

¹¹ Jáeramo royerure avei peré, Tumpa jupi ko perenoi vaerä jae iporoparavo pe, jare ombopo vaerä imbaepuere rupi opaete peipota vae peporogüɨrovia rupi peyapo vae.

¹² Jökorai yave yandeYa Jesucristo jee oyemboeteukata peré, jare pe reta jese, yandeRu Tumpa jare yandeYa Jesucristo ipɨakavi rupi.