အွန်လိုင်း သမ္မာကျမ်းစာ

Rŏma 7 - Geba Roman New Testament

Dèphîcu Ahô̆gèlè

¹ Thè̆buwe tòcò, thĭ htè amèhlô̆b́è Dèhmèla tòcò thîhè̆ tèpwè Dèhmèla acô̆thèlè̆ ò bija akho b́ĕ cò òwe bija akhè̆ lò.

² Kò d́òmò̄kô, amihmu awa ò dèbwè nu, za wa kò òwe bija athŭtherĕ nu, zè dèphîdèmè ò ḿî b́ĕ za wa thĭgè tapla nu, zè dèphîdèmè lōwa anikhĭ tò ò be tèpwè ńò.

³ Za wa ò thôḿô̆we akhè̆, cò kò òkô ma amikhŏ alewe dèbwèbwè akă d́ō, zî ḿî ad́ŏthibwĭ. Barasă za wa kî thĭ ma d́ō, zè dèmè kŭdu htŏ tèpwè kî zî phîcu za tèpwè d́ō zî dî ḿîbe ad́ŏthibwĭ ńò.

⁴ Mègōnu akhoacè̆, thè̆buthè̆we tòcò, bija htè athĭnigè Dèhmèla d́ŏ Krĭstu anebî̆cè abu dèbwè nu, ilani za htŏ ane d́ŏ awa alewe dèbwè acukhòbu nu, Cè htè ahtaboge d́ŏ dèthĭ aklè̆ kî amèlakwălajā htŏ wa Kib́ĭcè anikhĭ dèbwè ò nu.

⁵ Hlĕ wi di nib́è dèb́ăkhlèhta tha hnî̆ńò nu, wè dèthaèni agarā òb́ègè d́ŏ Dèhmèla akălè̄ nu kî amèni we neb́î̆cè thèhtaphò̆htai dèthĭ lò.

⁶ Barasă khŏnujo, wò òhlô̆òlakî htŏ Dèhmèla, wò òhlô̆òla htŏ dèthĭ kî dè b́ècŏb́ègjî̄, wa khazô za htŏ Kib́ĭcè d́ŏ thotha adèò athè̆ bu nu, dî ḿî d́ŏ klèthòò̆ alila, Dèhmèla ahwela abu be ńò.

Dèhmèla kî Dèkhòwè

⁷ Mègōnu d́ō, wò d́ò d́ò̆ cadè̄? Dèhmèla ḿî dèkhòwè ā? Di ḿî d́o ńò. Tè b́è ja thaè d́ò htè agî̄ ḿî ma Dèhmèla acè̆ d́ō, ji di thîhè̆ mè dèkhòwè ńò nu ńò. “Thaèni ḿè bija adèhtò̆dèla ḿè,” Dèhmèla kò tò ò ma do ńò d́ō, jò dòbò̆ thîhè̆ mè dèthaèni bija adèhtò̆dèla hnò̆nu ńò ńò.

⁸ Dèhmèla akhoacè̆, dèkhòwè nobègè jè, manè̄ d́ō Dèhmèla kò tò ò ma ńò d́ō, dèkhòwè thĭ hlè̆mè̄ htŏ tèpwè.

⁹ Hlĕ akăhtî Dèhmèla tò ò hnî̆ńò nu, jî ḿî aòthôḿô̆, barasă, Dèhmèla dole tapla, dèkhòwè òhtakî ji thĭgè.

¹⁰ Dèhmèla ḿî akòmò̆ lei jè dèthôḿô̆, barasă aphî̆htagè ji nikhĭ dèthĭ,

¹¹ manè̄ dèkhòwè phîni Dèhmèla kî ahèphròsòḿĭigè jè klè kî dèkhòwè nu d́ŏ Dèhmèla abu mèthĭgè jè.

¹² Dèthôdèthò̆ ḿî atcahtĭ. Dèhmèla nu atcahtĭ, adî̄ahma kî aè.

¹³ Mègōnu d́ō, dè aè dimimi mèthĭgè jè ā? Tè b́è ńò! Barasă dèkhòwè nu, akè d́è̆lî̄htab́è ahô̆ajò anikhĭ mèi dè aè agè̄ mèthĭ jè, kî dèkhòwè nu, d́ŏ Dèhmèla abu mèi pĕhtazòhtagè adècô̆dèthèlè̆.

Thotha Adèd́odèphja

¹⁴ Acab́ô̆ wî thîhè̆ adĕ nu, Dèhmèla ḿî ab́èkja thotha adèmè; ḿî jè nu, ji dî ḿî thotha abija ńò, ji ḿî phehî b́è sè̆lanigè acab́ô̆ dèkhòwè azôabwè nu.

¹⁵ Jî dî thîhè̆lage dò̆ jè dèphîdèmè ńò. Dè htè ja thaè mè tòcò nu jè dè mèni ńò, kî dè htè jè dè wè̄ dè sè̆ ńò tòcò nu jè mègè.

¹⁶ Ki jè mènigè dè htè ja da thaè mè ńò tòcò nu d́ō, ḿî ad́è̆lî̄ Dèhmèla ḿî dè aè lò.

¹⁷ Kîd́ò̆ ad́è̆lî̄ amèdè ajo ḿî tè b́è jè ńò, ḿî dèkhòwè htè aò ju bu mèdè lò.

¹⁸ Acab́ô̆ jò ò kî dèphedèhî akhò̆, jî thîhè̆ tèpwè dè aèaò̆ tò ò d́ŏ ju bu nu dimĭ ńò, manè̄ d́ō, jo gomo athaè mèdè aè ò nòthò̆ d́ŏ ju bu hnò̆nu, jè dè mèkèhtagè ńò.

¹⁹ Thôrô̆ jè gè̄ mèni dèmè awîab́è tòcò nu, jè mènikò̆ dèkhòwè, htè ja da thaè mè ńò tòcò nu.

²⁰ Ki jè mènigè dè htè ja da thaè mè ńò tòcò nu d́ō, adî ḿî je neb́î̆cè athĕbwe ńò, ḿî dèkhòwè aò d́ŏ ju bu dèdè̆ nu.

²¹ Mègōnu d́ō, ală ḿî dè anènò dèdè̆ htè b́ĕ ja thaè mè dè aè gŏ apla nu, dè atè è ńò ò dòlògè.

²² D́ŏ ja thaobu nu jè b́èlò̄ thĕbwethîlî̆ Kib́ĭcè Adèhmèla,

²³ ḿî je neb́î̆cè htakhokăgè Cè, kî ad́oaphja tèpwè Dèhmèla htè ja tha dèmè̆ d́ò̆sa jè tòcò nu. Dè ajo mèphî̆htagè dèkhòwè adèkî̆dî̄pho htè aò d́ŏ je neb́î̆cè abu dèdè̆ nu.

²⁴ Jî ḿî bija amò khòwèkhòthĭḿi dèbwè hŏ! Bò̄bwè gē htege jè d́ŏ je neb́î̆cè athè̆ jè d́ŏ dèthĭ aklè̆ bwè?

²⁵ Dèmòb́è B́ĭcè d́ŏ wi B́ĭcè Jezŭ Krĭstu abu lò! Agudulă, pwĕ jè dègomo ò atherĕ, jò òi Kib́ĭcè Adèhmèla, kî je neb́î̆cè, thotha d́ŏ dèkhòwè adèilanigè jè nu.

« အရင်

နောက်တစ်ခု »

Bible Society of Myanmar

ကြှနျုပျတို့နောကျလိုကျပါ:

ပံ့ပိုးပေးထားသော လင့်ခ်များ

ကြော်ငြာတွေ