အွန်လိုင်း သမ္မာကျမ်းစာ

Philippiăno 4 - Geba Roman New Testament

Dèd́è̆lî̄ Klèthòò̆ tòcò

¹ Mègōnu d́ō, jò thò tòcò, jè b́èlò̄ thĭ kî hmòb́èzî thĭ lò. Thĭ ḿî amèmòthomòtha sô zî̄ jè, kî jè bè̄dobè̄mu thĕbwe je ne d́ŏ thĭ kho thĭ cè̆ lò. B́èlò̄ thĭ jò thò tòcò, ajo ḿî klè d́ŏ thĭ gò̄ sò̆hto òhmeòglo d́ŏ B́ĭcè abu nu.

² Ŏ Euŏdia kî Cintikhi, Ja damòb́è thĭ d́ŏ thĭ kò òjīòd́wăhlè lōwa dèbwè kî dèbwè acab́ô̆ thè̆buwe d́ŏ B́ĭcè abu nu.

³ Kî nè, htè aḿî jò khò̆golō ahnè, ja thaèni na gā tca kô̄ ôkô amihmu tòcò jo akă. Manè̄ kò̄ d́òdo d́ō, cè tòcò thagolō mèzo jè d́ŏ jè dèd́ò̆sa Vanzĕlō nu, ploplo kî Klèmè̆ntè kî amèplodè alewe tòcò, htè ami b́è hwelagè d́ŏ Kib́ĭcè Acèthôḿô̆ abu nu.

⁴ Thĭ dèthalōthala kò òbò̄ d́ŏ B́ĭcè abu thèjô̆ nu. Jò d́òwe thalōthalaibò̄.

⁵ D́è̆lî̄htabò̄ thĭ dèthob́îthajū d́ŏ bija gŏ abwè ahlò̆mò̄ nu. B́ĭcè gā la b́ôhtî htŏ.

⁶ B́èhjŏb́èmabò̄ ḿè dimĭ ḿè, ḿî d́ŏ dèthèb́è̆dahta abu gŏ apla nu, dabò̄ Cè dè htè no loba tòcò nu, dabò̄ Cè tha adèthîhè̆htage Zè dèhludètă abu nu.

⁷ Kîd́ò̆ Kib́ĭcè adècodèkhli htè bija Lākhopho dî thîhè̆htô ńò nu, ku ŭikò̆ thĭ tho thĭ tha kî thĭ dègomogamā tòcò nu d́ŏ Jezŭ Krĭstu abu nu.

⁸ Dèjî̄b́è aglobu ḿî, thè̆buwe tòcò, mè pĕhtabò̄ thĭ tha kî dè awîaè htè amò kòihtăi, acab́ô̆ dèdî̄dèhma, dèhĭdèhtè̆, dè ab́èabò, dè atcahtĭ, dèb́èlò̄thòklè̆ kî dèamièkhè̆è tòcò nu.

⁹ Tcahlô̆tcad́ò̆bò̄ dè htè thĭ mèhlô̆nigè jò ò tòcò, d́ŏ dèjî̄b́èdòdò kî dèphîdèmè nu. Kî Kib́ĭcè htè ai wa dècodèkhli dèbwè kò̄ òkô d́ò̆è thĭ kă.

Dèd́òhlud́òtă

¹⁰ Ja thalōthalaisô d́ŏ B́ĭcè abu nu, Manè̄ kòd́òdo dō, dè asŏakhè̆ phlòtôlô hwă pwĕdimi hwă alekă d́ō, thĭ nib́è akhwè d́ŏ thĭ kè d́è̆lî̄hta thĭ dèthoòthaò jè akhoacè̆ nu. Tè b́è ja thaè d́ò d́ŏ thĭ sò̆tab́a dèthoòthaò jè ńò. Ḿî dè akhwèaj́a tò òni thĭ d́ŏ thĭ gè̄ d́è̆lî̄hta thĭ dèthoòthaò jè ńò akhoacè̆ lò.

¹¹ Jo gomogè thĭ tca phlòtôlôgè jè acè̆, jò d́òkò̆ dèjî̄b́è gōjo tè b́è ńò. Jè thègè je ne akò òibò̄ dèthoḿĭthamò b́ĕ dèòkî jè atherĕ nu.

¹² Dè aloba ḿî danè̄, kî dènib́è d́olĭ aloba ḿî danè̄ nu jî thîhè̆ tèpwè. Jè mèhlô̆ htŏ dèhudèzò ajo cab́ô̆htè d́òlè̄ ḿîwî, htôdè̄ ḿîwî akò òthîòza nu. Ja ab́èkoò̆b́èko ḿîwî, ja thaẃilad́ò ḿîwî, jè è̆ òkè̆òô ḿîwî, atò òni jè ńò ḿîwî, jò òthîòza tèpwè.

¹³ Jè gè̄ htèglè̄ni dè cadè̄ cadè̄ hnò̆nu, jò òkî dèkhodèă agā khascĭ dèmè ane lŏcăcè d́ŏ dècô̆thèlè̆ htè Krĭstu ila jè nu.

¹⁴ Barasă d́ŏ dèmèzo jè dèbadèsè̆ abu nu thĭ mè èzî̄ lò.

¹⁵ Thĭ bija Philippiăno pho tòcò thĭ thîhè̆ thuŭthèè tèpwè htè b́ĕ jè hèhta d́ŏ Macedŏniage kî d́ò̆htôla thè̆lè̄kho Krĭstu aVanzĕlo hwă alekă nu, thĭ ḿîgè dèòplo htè aila dè kî anib́è dè ploplo kî jè nu.

¹⁶ B́ĕ jo loba dèmèzo b́ĕ jò ò Thèssalò̆nika abu nu, thĭ thè̆ ni jè òè d́olĭ kî tapla lò.

¹⁷ Tè b́è ja thaèni htĕ ji gī nib́è dè anikhĭ lò ńò, ḿî ja thaè kèhtî òèhta thĭ dèmè awîaè tòcò akhoacè̆ lò.

¹⁸ Mègōnu d́ō, ajo ḿî cèkăklè htè ji nib́è thĭ dèila jè lŏcăcè anikhĭ, kîd́ò̆ aḿîgè dè aòè d́olĭ kî jo lobagè tòcò nu. Khŏnujo, ji nib́ègè dèlŏcăcè, d́ŏ Epaphròdĭtus le thè̆ ni jè thĭ dèi tòcò akhoacè̆, dè aloba ji nikhĭ tòcò ò pĕhtazòhta htŏ tèpwè. Dè ajo tòcò mè acab́ô̆ dèhluhnŭẃi d́ŏ ab́èhluhtai Kib́ĭcè ò, htè ab́ètha Cè kî amèmòtha Cè nu.

¹⁹ Acab́ô̆ Kib́ĭcè ḿî ajèdāgudŭ akhò̆ nu, Ci ki ilani d́ò̆è thĭ dè d́ŏ thĭ loba atherĕ d́ŏ Jezŭ Krĭstu nu.

²⁰ Dèdòdèthe kè̄ b́è d́ò̆è wa Pa B́ĭcè lahtŭlablo tîkî. Amèn.

Dèhnŭsè Alekăgudŭ

²¹ Ju hnŭsè tèpwè Kib́ĭcè abijakhwĭpho htè ab́èkja Jezŭ Krĭstu dèbwè kî gŏ abwè nu. Ab́udè aòplo jè b́ĕjo tòcò hnŭsè le tèpwè thĭ thĭ.

²² Kib́ĭcè abijakhwĭpho aò b́ĕjo tòcò sŏwîsŏmò b́è lasăd́è̆è bija ab́èkja Caĕsarè anapho tòcò nu.

²³ B́ĭcè Jezŭ Krĭstu adèhludètă gā lab́è d́ò̆è thĭlò gŏ abwè nu.

« အရင်

နောက်တစ်ခု »

Bible Society of Myanmar

ကြှနျုပျတို့နောကျလိုကျပါ:

ပံ့ပိုးပေးထားသော လင့်ခ်များ

ကြော်ငြာတွေ