အွန်လိုင်း သမ္မာကျမ်းစာ

Galatiăno 5 - Geba Roman New Testament

Krĭstupho Adèòhlô̆òla

¹ B́ĕ Krĭstu b́ahlô̆ wa nu, Zè dèthaèni ḿî wò kò̄ òhlô̆òla thèjô̆ lò. Òhmeòglobò̄ acab́ô̆ bija aòhlô̆òla akhò̆ nu, kî ibe ḿè bija hna zô thĭ dèbwè̆ be ḿè.

² Sòkhĕńebò̄. Jè, Păulu d́ò̆sa thĭ; thĭ kī i ma thĭ phekhĭ b́è hô̆rîkî̆ nu, Krĭstu do khlŏhtamame tèpwè thĭ nikhĭ dimĭ ńò.

³ D́ŏ dèithidĭ adèjî̄b́è abu jò d́ò̆sa thĭ tapla be: gajă bija akha hô̆rîkî̆ aphekhĭ tòcò nu, gô̄ lôkômèkô lŏb́è Dèhmèla tòcò nu.

⁴ Barasă thĭ htè awuthè̆dèba agè̄ mèwîmètcă ane d́ŏ Kib́ĭcè anikhĭ kî sòkhĕńe Dèhmèla d́ō, ḿî thĭ htobā thĭ ne Krĭstu lò. Thĭ supalō htŏ Kib́ĭcè ahluată.

⁵ Ḿî kè tòcò jo nu, kè̄ b́è d́ò̆sa kî Kib́ĭcè aSpirito Tcahtĭ agā wāhlè dèb́u ailanigè dèsascĭi cò òsô̆wô̄igè tòcò nu.

⁶ Manè̄ d́ō, d́ŏ Jezŭ Krĭstu abu nu, nè b́è dèhô̆rîkî̆ aphekhĭ ḿîwî, nè tè b́è ńò ḿîwî, akhlŏhtamame tò ò tèpwè dimĭ ńò, ḿî dèb́u wò òi wa thabu d́ŏ dèb́èlò̄ abu nu.

⁷ Thĭ gohta èzènè htŏ dècwè thò̆drò lōwa; bò̄bwè mèphilajòlagè thĭ dèsòkhĕńe dèdî̄dèhma alē bwè? Athakăhta thĭ kă ḿîgè bò̄bwè?

⁸ Ajo thĭ B́ĭcè dèbwè ta thakăhtagè thĭ kă ńò!

⁹ Ală ḿî gimi tîkîpho nu hèbrègè thĭ hîklè̆.

¹⁰ Jî thîhè̆ tèpwè htè d́ŏ dèòplo B́ĭcè abu, thĭ gā laglakô tèpwè jè, kî gajă bija amè gòthò̆gòrò thĭ kò ò ma dèbwèbwè nu, cè kè̄ b́è cirra tèpwè nu.

¹¹ Ḿî jè nu, thè̆buwe tòcò, jô kô thôithò̆i ma dèhô̆rîkî̆ aphekhĭ d́ō, jè kè̄ b́è lô mèssègnè̆ we manè̄? Khŏnujo je gè̄ mèwe gōnu d́ō, dèhtad́ĕd́ò Krĭstu aKrusu kò òwe tèpwè ā?

¹² Ja thaèni bija htè amèd́îd́ă thĭ tòcò gè̄ mèbò̄ htô̆ akŭdu nu; kî ibò̄ cè tòcò kū d́udūd́uhtălage ane ńò nu.

¹³ Thè̆buwe tòcò, acab́ô̆ thĭ thîhè̆ atherĕ nu, thĭ b́è jolegè d́ŏ dèòhlô̆òla alle nu. Ḿî sòibò̄, cab́ô̆htè agè̄ dè mènibò̄ thĭ dèmèmòi ane ńò nu. Mèihlèbò̄ lōwa dèbwè kî dèbwè d́ŏ dèb́èlò̄ adèphîdèmè abu nu.

¹⁴ Manè̄ d́ō Dèhmèla aglobu ḿî dèhmèla dôhmô̆ lò, “B́èlò̄bò̄ bija ab́ôhtî nè acab́ô̆ nè b́èlò̄lage ne ne nu.”

¹⁵ Thĭ gō gokî gèjè lōwa dèbwè kî dèbwè, kî gē thephethawā hlè lōwa d́ō, tcabò̄, thĭ gè̄ mè hèwî̄hèkè̆ hlè tèpwè lōwa lò.

Spirito Tcahtĭ kî Dèmèmò Ane

¹⁶ Ja thaè d́ò ḿî gōjo; thĭ kè̄ b́è htônāi kî ma Spirito Tcahtĭ nu, thĭ ladēnī dèmèmòi ane acè̆ tò ò ńò.

¹⁷ Manè̄ d́ō, dèmèmò ane ḿî ahtad́ĕd́ò Spirito, Spirito Tcahtĭ ḿî ahtad́ĕd́òdè anu dèzè̄ nu, kî dè ajo gīmo ḿî ahtad́ĕd́ò sô lōwa akhoacè̆, thĭ dô lôkô thèjô̆ kèhta thĭ dèbè̄la tha aè tòcò nu ńò.

¹⁸ Thĭ kè̄ b́è thè̆lei ma Spirito Tcahtĭ nu, thĭ tò òb́è d́ŏ Dèhmèla akălè̄ ńò.

¹⁹ D́ŏ dèmèmò ane abu nu dè atè è tò ò̆ ńò òhta amŏamo lò. Dèlathulakèḿè, dèkhorokhara kî phehî adèkî̆kkèmèhlò̆ tòcò nu.

²⁰ Dèthèb́è̆ dèjòdèja, dèthŭdèkja, dèhtad́ĕd́ò, dèmèhtîmèbo, dèthaklathasè̆, dèthèhtèd́òd́è̆, dèthanido. dèlamulapha, dèda lajī ńò,

²¹ dèd́òdî̄d́òdè, dèò̆hmuapò, dèhmupòhtòî lŏcăcè nu. Khŏnujo ji ithidĭ thĭ, hlĕ mocè̆kho nu ḿî ḿî ji ithidĭ htŏ thĭ thĭ. bija amè gōnu tòcò nu gī di nib́èkò̆ Kib́ĭcè ahtĭage ńò.

²² Spirito Tcahtĭ adèila ḿî acòklîlasă; dèb́èlò̄, dèmòdèma, dècodèkhli, dèkhòthad́ò̆wî̄thazô, dèthowîthamò, dè è dè ò̆, dèdî̄dèhma,

²³ dèsalathosalatha kî dènodèbèlage dèphedèhî. Dèhmèlad́îd́ă ajo tò ò tèpwè ńò hŏ.

²⁴ Bija ab́èkja Jezŭ Krĭstu tòcò nu, htalaglo thĭ ane d́ŏ dèphedèhî kî dèthaèni lŏcăcè htŏ.

²⁵ Spirito Tcahtĭ igè wa dèòthôḿô̆ akhoacè̆, Spirito Tcahtĭ gē lei d́ò̆è wa d́ŏ ahlò̆mò̄ nu.

²⁶ Wè tèb́è bè̄htahtô̆ we ne, mè dohtahlèlōwa atha ńò kî thaklathasè̆ hlè lōwa dèbwè kî dèbwè ńò.

« အရင်

နောက်တစ်ခု »

Bible Society of Myanmar

ကြှနျုပျတို့နောကျလိုကျပါ:

ပံ့ပိုးပေးထားသော လင့်ခ်များ

ကြော်ငြာတွေ