အွန်လိုင်း သမ္မာကျမ်းစာ

Galatiăno 4 - Geba Roman New Testament

¹ Jò kò d́ò̆sa d́ò̆ thĭ alewe domo be; amò nib́è dèila dèbwè nu, zi gī nib́è nòthò̆ dè gŏmihtĭda hnò̆nu, zi gī bĭsèpho we ma d́ō cò tò ò còklî kî zôbwè dèbwè ńò.

² Htô̆ ce d́eb́a acab́ô̆ ca pa adèthaèni ò nu, cò òb́è we atcaikhwèi cè tòcò akălè̄ lò.

³ Khŏnujo wo do dob́a hnî̆ńò jo nu, wî ḿîwe Lākho sophrŏsaphra azôabwè lò.

⁴ Barasă akhîb́è tapla, Kib́ĭcè thodŏle Zo Pho, aòlakô amihmu dèbwè, òlagè Dèhmèla akălè̄,

⁵ cab́ô̆htè zè gè̄ mèhlô̆hta bija aò Dèhmèla akălè̄ tòcò kî agè̄ mèphî̆htabò̄ wa ab́è mèpho tòcò nu.

⁶ Thĭ ḿî Kib́ĭcè aphoali nu hlî̆htaphlò̆hta d́ŏ Zè dèthodŏle Zo Pho aSpirito Tcahtĭ d́ŏ wa thabu nu, Spirito Tcahtĭ htè ajohta “Abba, Apa,” kî ajo ḿî amèphî̆hta thĭ dèpho.

⁷ Mègōnu dō, nî dî ḿîbe zôbwè dèbwè ńò. Nî ḿîgè pho dèbwè. Kî b́eḿĕ Kib́ĭcè gè̄ mèphî̆hta nè dèpho d́ō, Ci ki ilakò̆ nè dè amò nib́è Zè dèilage tòcò nu.

Păulu Adèb́èhjŏ Galatiănopho tòcò Anikhĭ

⁸ Hlĕ aŭsu nu thĭ dî thîhè̆gè Kib́ĭcè ńò, ḿî b́ĭcè alewe htè adî ḿî b́ĭcè ńò tòcò azôabwè.

⁹ Barasă khŏnujo thĭ ŏlăgè Kib́ĭcè, ḿĭdîḿî ńò jò mò d́ò d́ŏ Kib́ĭcè ŏlăgè thĭ dòkhò̆, thĭ gē geb́ahtî za d́ò̆ akhozeăze kî adèmè za da dimĭ ńò tòcò azôabwè cadè̄?

¹⁰ Thĭ bè̄dobè̄mugè munimuthè̆, hlè̆, asŏakhè̆ kî d́e tòcò cò nu.

¹¹ Jè b́èhjŏb́èma zî̄gè thĭ nikhĭ. Jè mè dè thĭ nikhĭ lŏcăcè tòcò ḿî akèhtagè dè ahnahnă lò dòkhò̆ ā?

¹² Thè̆buwe tòcò, ja damòb́è thĭ, jāthôbò̄ jè acab́ô̆ jè ḿî ajāthôgè thĭ nu. Hlĕ aŭsu nu thĭ dè mèsè̆thagè jè taplă ńò,

¹³ Thĭ thîhè̆ tèpwè htè hlĕ jò d́ò̆htôlani thĭ akăhtî gudŭ tapla ḿî d́ŏ dèscwidèsè̆ abu nu.

¹⁴ Thĭ tè d́è̆lî̄gè htè thĭ thablè̄ kî thakè̆gè dŏ jè dèsè̆ acè̆ nu tîkî̆ ńò, ḿî thĭ phînigè jè acab́ô̆ Kib́ĭcè Abwèzo nu, mè acab́ô̆ jè ḿî Jezŭ Krĭstu thè̆ne nu.

¹⁵ B́ĕnu akhè̆ thĭ thalōthalaisô tèpwè thè̆ nî̄! Khŏnujo da mègè thĭ nè? Jô hôd́ă kèhta tèpwè pwĕ thĭ gî̄ cîẃî̆phlòladē hwă thĭ gādŭphlo kî thĭ ki i jè nu.

¹⁶ Jò d́ò dè ab́è mèphî̆htagè jè thĭ d́ĕd́ò ā?

¹⁷ Dè bāwè̄ dèkèḿè òhtakô d́ŏ cè tòcò thaè cwini thĭ d́ŏ dè lè̄bā thĭ kî jè cab́ô̆htè cè tòcò gî̄ phîni thĭ nu.

¹⁸ Dècwini bija ḿî dè aè thèjô̆ domo, kî agî̄ dî ḿîbò̄ htĕ jò òkôwe thĭ kă lò ńò.

¹⁹ Ŏ jo pho ji li tòcò, jò gò̄ khòib́è dèphŭsè̆ d́ŏ dèphozelaige thĭ tapla be nu, htô̆ thĭ ḿî Krĭstu ahô̆agèlè nu.

²⁰ Ja thaè òkô thĭ kă khŏnojo, cab́ô̆htè jè gè̄ d́è̆lî̄hta jè dè bè̄thobè̄tha thĭ kho hnè hnè mî danè̄ nu. Jè b́èhjŏb́èma zî̄gè thĭ nikhĭ lò.

Dè Ad́ô̆ Ab́èkja Hagar kî Sărah

²¹ Thĭ thaè ò Dèhmèla akălè̄ ā? Mègōnu d́ō sòkhĕńebò̄ Dèhmèla d́ò danè̄ nu.

²² Ad́ò ḿî, acab́ô̆ thĭ gomohtani nu, Abraham aphokhŏ ò gībwè, dèbwè ḿî cè kî zômo apho, dèbwè ḿî cè kî amihmu aòhlô̆òla apho.

²³ Zômo dèbwè ḿî aòla acab́ô̆ anènò nu. Amihmu aòhlô̆òla dèbwè ḿî aòlagè acab́ô̆ dèaḿăkhai adĕ nu.

²⁴ Ajo ḿî mè cab́ô̆ dèhtakhokă nu; amihmu gībwè lakî Dèŏlăphlala gīdè̆. Aŭsu dèbwè ò d́ŏ Sĭnai Khòlò̆kho kî zo pho zi li tòcò ḿî zôphobwèpho, htè Hagar nu.

²⁵ Manè̄ d́ō, Hagar nu zî ḿî Sĭnai Khòlò̆ aò d́ŏ Arĕbiage nu kî aḿî Jerŭsalèm u ahô̆agèlè htè aḿî zôbwè acab́ô̆ zo pho zi li tòcò nu.

²⁶ Mè nòthò̆ d́ō, Jerŭsalèm u aò d́ŏ Mò̄kho nu ḿî aòhlô̆òla, kî aḿî wo momo.

²⁷ Manè̄ Cè Tcahtĭ d́ògè gōjo; “Thalōthalaibò̄, nè, amihmu htè asò̆dopho. Kèwohtabò̄ d́ŏ dèthalōthalai kî dèthaganāi abu nu. Nè, htè aphŭ dè sè̆ dakhă ńò dèbwè nu! Manè̄ d́ō, ab́èbāphlòḿĭ dèbwè apho òè d́olĭgè ahmè̆ aphîcu dèbwè nu,” ad́ògè do.

²⁸ Khŏnujo, thĭ, jè thè̆buwe tòcò, thĭ ḿîgè Dèaḿăkhai apho acab́ô̆ Izăko nu.

²⁹ Kî abĭsèpho aòla acab́ô̆ anènò dèbwè mènomèzî̄gè abĭsèpho aòlakî Spirito Tcahtĭ akhò̆, khŏnujo dè mè ane gōnu lò lò.

³⁰ Barasă d́ō, Cè Tcahtĭ d́ò cadè̄? “Hna hèphlòḿĭbò̄ zômo kî zo pho; zômo apho nu di nib́èplo b́è amihmu aòhlô̆òla dèbwè apho dèilage tòcò nu ńò" nu ā?

³¹ Mègōnu akhoacè̆, jè thè̆buwe tòcò, wî dî ḿî zômo dèbwè aphoali ńò, ḿî ahmè̆ aòhlô̆òla dèbwè apho dòkhò̆.

« အရင်

နောက်တစ်ခု »

Bible Society of Myanmar

ကြှနျုပျတို့နောကျလိုကျပါ:

ပံ့ပိုးပေးထားသော လင့်ခ်များ

ကြော်ငြာတွေ