အွန်လိုင်း သမ္မာကျမ်းစာ

Galatiăno 2 - Geba Roman New Testament

Dèladēplo d́ŏ Jerŭsalèm U bu

¹ Alekă scilwīd́e phlòtôlô hwă khaĺè ja htakò̆ d́ŏ Jerŭsalèm u tapla be. Je lekô Barnăbas akă kî jè hè joigè Tĭto.

² Je le d́ŏnu ḿî dèd́è̆lî̄ jè akhoacè̆, kî jò d́ò̆sagè Dèòplo akhoane tòcò d́ŏ jò d́òŭd́ò̆sa Vanzĕlō htè jò d́òŭsaŭ d́ŏ bwèthŭkupho aklè̆ tòcò nu. Ja da thaèni jè dèd́òŭd́ò̆sa hlĕ aŭsu tòcò ḿîwî, khŏnujo tòcò ḿîwî, gè̄ tè kèhta dè ahnahnă hnahnă ńò.

³ Kîd́ò̆ amègè cadè̄? Tĭto htè ahèkô ja kă dèbwè nu, zî ḿî nòthò̆ Grĭspho dèbwè hnò̆nu, ze phekhĭ tè b́è hô̆rîkî̆gè ńò.

⁴ Dèd́è̆ òhta ḿî d́ŏ bija atò ò Dèòplo abu ńò tòcò lenī hu hwă wo kho wè klè̆, ca tcahugè wè dèòhlô̆òla d́ŏ Jezŭ Krĭstu abu, kî ca thaè b́è̆nī wa d́ŏ zôpho aboahò abu nu akhoacè̆ nu.

⁵ Ja thaè wōikèi Vanzĕlō ahtabohtab́ă akhoacè̆, ji ti igè bija anu tòcò asu tîkî̆ ńò.

⁶ Agudulă bija ad́òla ane akhoane tòcò nu dî ḿîbe ji nikhĭ bija ajwīdomodo be ńò. Manè̄ d́ō, Kib́ĭcè ta tca bija amūkă dèbwè̆ ńò akhoacè̆ lò. Bija akhoane ajo tòcò anikhĭ amò plòhtŭ jè dèthôdèthò̆ tò ògè dimĭ ńò.

⁷ Ḿî cè tòcò tcahtî thîhè̆b́èkôgè htè jè b́è thodŏlegè akò̄ d́òŭd́ò̆sa bwèthŭkupho tòcò Vanzĕlō acab́ô̆ Petru b́è thodŏle akò d́òŭd́ò̆sa Jŭdapho tòcò nu.

⁸ Cè htè alè̄hta Petru Jŭdapho anikhĭ Thodŏpho akho dèbwè nu, ilagè jè akò d́òŭd́ò̆sa bwèthŭkupho tòcò nu.

⁹ Mègōnu Zăkomo, Petru kî Zowănnī, akhoane kî bwèkahtu ajo tòcò tcahtî kî thîhè̆ tèpwè d́ŏ Kib́ĭcè ilanigè jè dèmè aladŭ; mègōnu d́ō, cè tòcò d́ahtogè Barnăbas kî ju cukhò acab́ô̆ wî ḿî bija dopho lò akhò̆ nu. Wa laglahlègè lōwa d́ŏ we gē lehtîb́è bwèthŭkupho tòcò kî cè tòcò gē lehtîgè Jŭdapho tòcò nu.

¹⁰ Cò d́ò dîgrînî wa agò̄ gomohtani agè̄ mèzob́è assègnè̆pho htè jè ḿî ḿî ja tha ò agè̄ mègōnu dèdè̆ nu.

Petru kî Păulu d́ŏ Antiò̆ka U

¹¹ B́ĕ Petru dole d́ŏ Antiò̆ka u nu, ja daragè cè. Manè̄ d́ō zè mèkèḿègè dè akhoacè̆ lò.

¹² Ca a plo ò̆ plo nènògè bwèthŭkupho tòcò nu, barasă b́ĕ Zăkomo akhò̆athò tòcò dole tapla, zî htî dòbòge ze ne. Cè b́èhjŏ d́ŏ aòi we aphekhĭ adèhô̆rîkî̆ anuad́ò̆ tòcò kò d́òb́èsab́è cè nu.

¹³ Jŭdapho tòcò mèkôgè ca kă d́ŏ dè mè brasa adèmè abu nu, kî Barnăbas hnò̆nu lô d́òkôgè gè.

¹⁴ B́ĕ ja tcahtî cè tòcò de lekô danāpi Vanzĕlō adèdî̄dèhma aklè ńò d́ō, d́ŏ bija gŏ abwè ahlò̆mò̄ nu jò d́ògè Petru, “Ni ḿî nòthò̆ Jŭdapho dèbwè hnò̆nu, ńò ògè acab́ô̆ bwèthŭkupho tòcò nu, tè b́è acab́ô̆ Jŭdapho dèbwè nu ò akhò̆ ńò. Mègōnu d́ō, na gā hna za d́ò̆ bwèthŭkupho tòcò agô̄ lôkô Jŭdapho aklèathòò̆ cadè̄?” jò d́ògè cè do.

Jŭdapho kî Bwèthŭkupho Nib́è Dèhlô̆htage d́ŏ Dèb́u

¹⁵ Wî ḿî nòthò̆ Jŭdapho hnò̆nu, wî dî ḿî acab́ô̆ bija d́ò, “bwèthŭkupho dèkhòwèpho,” ńò.

¹⁶ Ḿîwî thîhè̆ tèpwè bija dèbwè b́è bè̄dî̄bè̄hma d́ŏ Kib́ĭcè ahlò̆mò̄ ḿî d́ŏ zè dèb́u Jezŭ Krĭstu, kî tè b́è zè dè mèkô dèhmèla akă nu ńò. Wa ḿî ḿî wu b́u Jezŭ Krĭstu cab́ô̆htè wè kè̄ b́è bè̄dî̄bè̄hmabò̄ d́ŏ Kib́ĭcè ahlò̆mò̄ anikhĭ nu, kî tè b́è d́ŏ wè mèkô dèhmèla akă nu ńò. Manè̄ d́ō, wu b́ugè htè bija tè b́è bè̄dî̄bè̄hmakîgè Dèhmèla dèbwè̆ ńò nu.

¹⁷ Mègōnu d́ō, b́ĕ wa wāhlè dèbè̄dî̄bè̄hma wa Kib́ĭcè ahlò̆mò̄ d́ŏ wò òplosò̆jī Krĭstu abu nu akhè̆ jo, ḿî amèphî̆hta wa dèkhòwèpho acab́ô̆ Bwèthŭkupho tòcò lò nu d́ō, Krĭstu hna wè mè dèkhòwè ā? Tè b́è tèpwè gōnu ńò.

¹⁸ Jî ḿî b́òhtaprahtage dè htè ja bāphlòmĭ hwă nu d́ō, ḿî jè d́è̆lî̄hta je ne d́ŏ jî ḿî bija amèkèḿèdè Dèthôdèthò̆ lò.

¹⁹ B́ĕ ab́èkja Dèthôdèthò̆ nu, ji thĭ hwăgè—amèthĭ jè ḿî Dèthôdèthò̆ thè̆ne—cab́ô̆htè jò kò ò thôḿô̆b́èbò̄ d́ŏ Kib́ĭcè anikhĭ nu. Jè b́è htalaglo thĭ ploplogè Krĭstu d́ŏ Krusu alò nu.

²⁰ Kî khŏnujo jò òkî ja tha athôḿô̆ jo, tè b́è jè dèò ńò, ḿî Krĭstu aò d́ŏ ju bu dèbwè adèò dòkhò̆. Jè dèòthôḿô̆ khŏnujo ḿî dèb́u Kib́ĭcè Apho htè ab́èlò̄ jè kî aila athathôḿô̆ ji nikhĭ dèbwè abu nu.

²¹ Ja da bāphlòmĭ za Kib́ĭcè adèhludètă tòcò nu ńò. Dèhmèla gè̄ mèwîmètcă za ma jè d́ō, Krĭstu adèthĭ gî̄ ḿî tèpwè dè ahnahnă hnahnă lò.

« အရင်

နောက်တစ်ခု »

Bible Society of Myanmar

ကြှနျုပျတို့နောကျလိုကျပါ:

ပံ့ပိုးပေးထားသော လင့်ခ်များ

ကြော်ငြာတွေ