အွန်လိုင်း သမ္မာကျမ်းစာ

Dèd́è̆lî̄ 5 - Geba Roman New Testament

Cèhtŭ kî Thŏpho

¹ Ja tcahtî cèhtŭ duhtŭ d́ŏ bija asańălăò d́ŏ Na akho dèbwè acudèhtwè dòkhò̆b́è abu nu. Cèhtŭ ajo cèd́ŭ ò hwela abubu akhlŏkhlŏ kî b́èzwî̄laglo kî dèîzwî̄ thăthô dèdè̆.

² Kî ja tcahtîgè Mò̄khobwèzo akhob́ăădo dèbwè, htè abò̄i d́ò̆sa d́ŏ alē sôtèklè abu nu, “Bò̄bwè takî agò̄ htotab́ăkè̆ dèzwî̄la kî b́ăhlèla cèhtŭ bwè?”

³ Barasă bija aò d́ŏ Mò̄kho ḿîwî, d́ŏ Lākho ḿîwî, d́ŏ halè̄ ḿîwî da tanigè akā b́ăhlèla cèhtŭ kî tcanī abu dèbwè̆ ńò.

⁴ Ja hagrohagrāgè, manè̄ d́ō, bija da tanigè akā b́ăhlèla cèhtŭ kî tcanī abu dèbwè̆ ńò acè̆ nu.

⁵ Mèhwă d́ō, adoabwe aklè̆ dèbwè d́ògè jè, “Habò̄ ḿè; Tcabò̄; Jŭda akhwĭ glādo htè Dăvid akhawi nu, zo no zè b́è htŏ dèd́o kî agō htotab́ăkè̆ dèzwî̄la kî akā b́ăhlèla cèhtŭ nu.”

⁶ Hwă d́ō ja tcahtîgè Thŏpho tod́ŏ ò d́ŏ Na athaklăḿè̆bŭ nu, kî aò khwè̆b́a Cè ḿî dèphodèwe aòthôḿô̆ lwīd́ŏ kî adoabwe tòcò nu. Thŏpho nu ală ḿî ab́è mèthĭgè nu. Ano ò thăthôtòb́ò̆ kî agādŭ ò thăthôdophlo, htè aḿî Kib́ĭcè aSpirito Tcahtĭ thăthôdèmè̆ htè ab́è thodŏle htŏ d́ŏ Lākho thèd́è̆b́è akho nu.

⁷ Thŏpho lephîgè cèhtŭ aò d́ŏ asańălăò Nabu dèbwè acudèhtwè abu duhtŭ nu.

⁸ B́ĕ zè mègōnu akhè̆ nu, dèphodèwe aòthôḿô̆ lwīd́ŏ kî adoabwe giscĭ lwībwè gòlab́îtèd́ègè d́ŏ thŏpho ahlò̆mò̄ nu. Cè tòcò òi dene dèbwè dèmè̆, krekŏhtè̆ dèbwè tod́ŏ aòpĕhta kî thohtohnŭẃi gŏ abwè htè aḿî Kib́ĭcè abija adèthèb́è̆ tòcò nu lò.

⁹ Cè tòcò thăbô̄ dèthăbô̄ athè̆; cò d́ò, Nè ḿî atani agî̄ phî cèhtŭ kî agò̄ htotab́ăkè̆ dèzwî̄la tòcò nu, d́ŏ nè b́è mèthĭgè akhoacè̆ nu, kî d́ŏ ni thwi abu nî bwîgegè wa Kib́ĭcè anikhĭ, d́ŏ bija akhwĭ gŏ akhwĭ, alēahwè, htĭge gŏ aghe kî bija gŏ athara aklè̆ akhoacè̆ nu.

¹⁰ Nè mèphî̆htagè cè tòcò phŭgi ahtĭage agā khazô wî B́ĭcè kî aku ŭicai Lākho thèd́è̆b́è tòcò nu.

¹¹ Mèhwă d́ō ja tcahta; ja tcahtî kî thîhè̆b́ègè Mò̄khobwèzo ògè d́ŏ ahtò, athò̆ nu. Cè tòcò sò̆hto ò khwè̆b́agè Na ploplo kî dèphodèwe aòthôḿô̆ tòcò kî adoabwe tòcò nu.

¹² Cè tòcò thăbô̄hta alē sôtèklè; “Thŏpho htè ab́è mèthĭgè nu tanigè agī nib́è dècô̆dèthèlè̆, kî dèlīdobwîthè̆, kî dèzadèbla, kî dèkhodèă kî dèhĭdèhtè̆ kî dèdòdèthe kî dèkòihtăi!”

¹³ Mèhwă d́ō jî thîhè̆b́è dè aòthôḿô̆ gŏ abwè htè aò d́ŏ Mò̄kho kî d́ŏ Lākho kî d́ŏ Lākho alè̄, d́ŏ htĭ pèllè akho kî dè aò d́ŏ abu lŏcăcè thăbô̄htagè; Cè htè asańălăò d́ŏ Nabu dèbwè kî Thŏpho nu kè̄ b́è d́ò̆è dèkòihtăi kî dèd́ŏdèj́a, kî dèdòdèthe kî dècô̆dèthèlè̆ thèjô̆ lahtŭlablo!

¹⁴ Dèphodèwe aòthôḿô̆ lwīd́ŏ d́ògè, “Amèn” kîd́ò̆ adoabwe tòcò gò̄la kî thèb́è̆htagè Cè htè aò thèjô̆ lahtŭlablo dèbwè nu.

« အရင်

နောက်တစ်ခု »

Bible Society of Myanmar

ကြှနျုပျတို့နောကျလိုကျပါ:

ပံ့ပိုးပေးထားသော လင့်ခ်များ

ကြော်ငြာတွေ